Á Vopnafirði eru ýmsir möguleikar til íþrótta- og tómstundastarfs. Á Vopnafirði eru ótal leiksvæði, gott íþróttasvæði, sundlaug, golfvöllur og fleira. Hver og einn ætti að geta fundið eitthvað við sitt hæfi.
Íþróttir og tómstundir
Félagsmiðstöð
Félagsmiðstöðin Drekinn er félagsmiðstöð grunnskólabarna. Hún er til húsa í Austurborg, Lónabraut 4.
Sundlaug
Sundlaugin stendur á bakka Selár þar sem áir rennur í grunnu gljúfri. Leitun er að jafn fallegri staðsetningu sundlaugar.
Íþróttahús
Í íþróttahúsinu er líkamsræktarstöð sem rekin er af sveitarfélaginu. Í henni eru um 20 líkamsræktartæki sem flest eru staðsett á efri hæð hússins, þar sem áður voru áhorfendapallar.
Íþróttasvæði
Íþróttasvæðið er í Holtunum, efstu byggðum bæjarins. Á svæðinu eru grasvellir, vallarhús, strandblakvöllur og ærslabelgur.
Leikvellir
Bærinn er ríkulega búinn leikvöllum. Hverfisleikvellir með leiktækjum eru í öllum hverfum, auk grasvalla með marki til fótboltaiðkunar og ærslabelgs.
Golfvöllur
Golfvöllur Vopnafjarðar, Skálavöllur, er 9 holu völlur, sem legu sinnar vegna hefur ákveðna sérstöðu. Hæðótt landslagið getur verið ögrandi og þrátt fyrir smæð skortir ekki fjölbreytnina.
Frístundastyrkur
Vopnafjarðarhreppur styrkir frístundaiðkun barna og ungmenna á aldrinum 6-18 ára með framlagi að upphæð kr. 20.000 á ári.