Athygli er vakin á því að þegar aðilar senda inn erindi eða umsókn til umhverfis- og skipulagsnefndar eru innheimt gjöld samkvæmt gildandi gjaldskrá sveitarfélagsins vegna skipulagsmála eftir því sem við á.
Í Vopnafjarðarhreppi er í gildi aðalskipulag frá 2006 sem gildir til 2026. Í gildi eru svo deiliskipulög fyrir einstök svæði innan sveitarfélagsins. Ef breyta á gildandi skipulagi eru auglýstar skipulagstillögur á vefnum og víðar.
Aðalskipulag er skipulagsáætlun sem nær til alls lands sveitarfélags. Í aðalskipulagi er sett fram stefna og ákvarðanir sveitarstjórnar um framtíðarnotkun lands og fyrirkomulag byggðar.
Sveitarfélagið fer með skipulagsvald í sveitarfélaginu. Sveitarfélagið auglýsir og birtir á vefnum upplýsingar um þau skipulög sem eru í kynningu hverju sinni.
Til að byggja nýtt hús, endurbyggja hús, rífa hús, byggja við hús eða breyta húsi þarf byggingarleyfi.
