Skipulags- og umhverfisnefnd

1. Almenn mál#1-almenn-mal

Yrki arkitektar – samantekt eftir íbúafundina september 2021
Lagt fram til kynningar.
Þverárvirkjun – umsókn um byggingarleyfi
Fyrir liggur umsókn um byggingarleyfi fyrir inntaksstíflu Þverárvirkjunar í Vopnafirði með yfirfalli, botnrás og lokahúsi frá Þverárdal ehf. Skipulags- og umhverfisnefnd samþykkir að heimila skipulags- og byggingarfulltrúa að gefa út byggingarleyfi þegar fullnægjandi gögn hafa borist. Samþykkt samhljóða.
Endurheimt votlendis, uppgræðsla á Hofi í vopnafirði
Fyrir liggur erindi frá Þjóðkirkjunni um endurheimt votlendis í landi Hofs. Skipulags- og umhverfisnefnd telur að fyrirhuguð framkvæmd sé í samræmi við aðalskipulag þar sem hún er á landbúnaðarsvæði í gildandi aðalskipulagi. Skipulags- og umhverfisnefnd leggur til að sveitarstjórn heimili skipulagsfulltrúa að gefa út leyfi fyrir framkvæmdinni. Samþykkt samhljóða.
Endurheimt votlendis í Vatnsdalsgerði
Fyrir liggur erindi frá Landgræðslunni um endurheimt votlendis í Vatnsdalsgerði. Skipulags- og umhverfisnefnd telur að fyrirhuguð framkvæmd sé í samræmi við aðalskipulag þar sem hún er á landbúnaðarsvæði í gildandi aðalskipulagi. Skipulags- og umhverfisnefnd leggur til að sveitarstjórn heimili skipulagsfulltrúa að gefa út leyfi fyrir framkvæmdinni. Samþykkt samhljóða.
Lóð við Sjóbúð 6, Vopnafirði
Fyrir liggur umsókn um lóð fyrir starfsemi Bíla og véla við Sjóbúð 6 samkvæmt deiliskipulagi miðhluta hafnarsvæðis. Skipulags- og umhverfisnefnd telur að þessi starfsemi þurfi ekki að vera svo nálægt hafnarkantinum og væri betur staðsett fjær kantinum. Skipulags- og umhverfisnefnd getur ekki samþykkt erindið á þessum forsendum en lýsir yfir vilja til þess að finna lausn á þessum lóðarmálum í samvinnu við umsækjanda. Samþykkt samhljóða.

Skipulags- og umhverfisnefnd

Fundur nr. 31

19. október 2021

Mætt til fundar

1. Almenn mál#1-almenn-mal