Fundur nr. 30
Kjörtímabilið 2018—2022
Mætt til fundar
- BS
Borghildur Sverrisdóttir
Nefndarmaður - HH
Höskuldur Haraldsson
Nefndarmaður - SEK
Sigríður Elva Konráðsdóttir
Nefndarmaður - SES
Sara Elísabet Svansdóttir
Sveitarstjóri - IDJ
Ingólfur Daði Jónsson
Nefndarmaður - RLG
Ragna Lind Guðmundsdóttir
Nefndarmaður - LÁ
Lárus Ármannsson
Nefndarmaður - IBA
Ingólfur Bragi Arason
Nefndarmaður - SJ
Sigurður Jónsson
Skipulags- og byggingarfulltrúi
Fundur skipulags- og umhverfisnefndar Vopnafjarðarhrepps
31.ágúst 2021. Í upphafi fundar var leitað afbrigða með því að taka fyrst fyrir lið f: „Deiliskipulag miðhluta hafnarsvæðis Vopnafirði – fiskvinnsla“. Samþykkt samhljóða.
1. Almenn mál#1-almenn-mal
- Deilliskipulag miðhluta hafnarsvæðis Vopnafirði - fiskvinnsla
Fyrir liggur uppfærð vinnslutillaga fyrir deiliskipulag miðhluta hafnarsvæðis. Umsagnir bárust frá Minjastofnun, Vegagerðinni og HAUST. Skipulags- og umhverfisnefnd leggur til við sveitarstjórn að auglýsa deiliskipulagið með þeim breytingartillögum sem lagðar voru til á fundinum og senda tillöguna til Minjastofnunar til umsagnar. Samþykkt samhljóða.
- Verndarsvæði í byggð og deiliskipulag fyrir miðsvæði Vopnafjarðar
Fyrir liggur tillaga að verndarsvæði í byggð og lýsing fyrir deiliskipulag miðsvæðis Vopnafjarðar. Skipulags- og umhverfisnefnd leggur til við sveitarstjórn að lýsing fyrir deiliskipulagið verði auglýst og kynnt. Samþykkt samhljóða.
- Þverárvirkjun - stofnun lóðar
Fyrir liggur umsókn frá landeigendum um stofnun lóðar út úr jörðunum Hrappsstöðum 1 og 2, Háteigi og Egilsstöðum, Vopnafjarðarhreppi ásamt lóðarblaði.
Skipulags og umhverfisnefnd leggur til við sveitarstjórn að samþykkja erindi um stofnun lóðarinnar. Samþykkt samhljóða.
- Rarik - beiðni um strenglögn
Fyrir liggur beiðni frá Rarik um lögn á streng í landi Vopnafjarðarhrepps samkvæmt teikningum sem sýna fyrirhugaða legu strengsins. Skipulags- og umhverfisnefnd leggur til við sveitarstjórn að samþykkja erindið og bendir umsóknaraðilum á að sækja þarf tímanlega um framkvæmdaleyfi fyrir framkvæmdinni. Samþykkt samhljóða.
- Hafnarbyggð 12 - umsókn um sjódæluhús
Fyrir liggur umsókn um byggingarleyfi fyrir stækkun á sjódæluhúsi frá Brim hf. Skipulags- og umhverfisnefnd samþykkir að heimila skipulags- og byggingarfulltrúa að gefa út byggingarleyfi þegar fullnægjandi gögn hafa borist. Samþykkt samhljóða.
- Bréf frá hestamannafélaginu Glófaxa – skipulagsmál fyrir hestamannafélagið og hesthúsahverfið
Fyrir liggur bréf frá hestamannafélaginu Glófaxa um aðbúnað og aðstöðu á svæði félagsins. Skipulags- og umhverfisnefnd leggur til við sveitarstjórn að vísa erinindinu til fjárhagsáætlunargerðar 2022. Samþykkt samhljóða.
- Deiliskipulag fyrir Sigtún - umsagnir
Fyrir liggja umsagnir vegna lýsingar á deiliskipulagi fyrir Sigtún. Umsagnir bárust frá Skipulagsstofnun, HAUST og Minjastofnun og einnig barst ábending frá íbúa við Sigtún. Skipulagsstofnun bendir á að skipulagssvæðið sé ekki í samræmi við ákvæði 37. gr. skipulagslaga og greinar 5.3.1. í skipulagsreglugerð, hvað varðar stærð og afmörkun og ætti að ná til stærra svæðis sem myndar heildstæða einingu. Skipulags- og umhverfisnefnd leggur til við sveitarstjórn að stækka svæðið og vinna deiliskipulag fyrir stærra skipulagssvæði en samþykkir jafnframt að framkvæmdir á svæðinu verði unnar í samræmi við fyrirliggjandi drög að skipulagi fyrir Sigtún á meðan nýtt deiliskipulag sé í vinnslu. Umsögnum og ábendingum sem nú þegar liggja fyrir verður vísað til áframhaldandi vinnu við deiliskipulagið. Samþykkt samhljóða.
Borghildur Sverrisdóttir yfirgefur fundinn.
- Yrki arkitektar - minnisblað júlí 2021
Lagt fram til kynningar.
- Þverárvirkjun – Inntaksstífla – umsókn um samþykkt byggingaráforma
Fyrir liggur umsókn frá Þverárdal um samþykkt byggingaráforma fyrir inntaksstífluna með fylgigögnum. Skipulags- og umhverfisnefnd samþykkir byggingaráformin og heimilar skipulags- og byggingarfulltrúa að gefa út byggingarleyfi þegar fullnægjandi gögn hafa borist. Samþykkt samhljóða.
Fleira var ekki tekið fyrir og fundi slitið kl. 10:01.