Skipulags- og umhverfisnefnd

1. Almenn mál#1-almenn-mal

Deiliskipulag fyrir miðbæ Vopnafjarðarhrepps – vinnslutillaga
Gunnar Ágústsson hjá Yrki arkitektum kynnti vinnslutillögu á deiliskipulagi fyrir miðbæ Vopnafjarðarhrepps. Skipulags- og umhverfisnefnd leggur til við sveitarstjórn að vinnslutillagan verði auglýst og kynnt. Samþykkt samhljóða.
RARIK – beiðni um strenglögn í Norður-Skálanesi
Lögð fram beiðni um strenglögn í Norður-Skálanesi frá RARIK. Skipulags- og umhverfisnefnd vísar erindinu frá og óskar eftir betri upplýsingum frá RARIK. Samþykkt samhljóða.
Rangármelur – beiðni um að efnisnámur verði settar inn á skipulag
Lögð fram beiðni frá Vegagerðinni um að efnisnámur við Rangármel verði settar inn á skipulag. Skipulags- og umhverfisnefnd frestar afgreiðslu málsins og óskar eftir betri upplýsingum frá Vegagerðinni. Samþykkt samhljóða.
Vélíþróttafélag Vopnafjarðar – ósk um landsvæði
Lögð fram beiðni um landsvæði frá nýstofnuðu Vélíþróttafélagi Vopnafjarðar. Skipulags- og umhverfisnefnd tekur jákvætt í erindið en bendir á að í dag er ekkert svæði í aðalskipulagi skilgreint fyrir vélíþróttir og því þarf að vinna deiliskipulag og breyta aðalskipulagi þegar landsvæðið hefur verið fundið. Skipulags- og umhverfisnefnd frestar afgreiðslu erindisins og felur sveitarstjóra að vinna málið áfram. Samþykkt samhljóða.