Vopnafjörður er sá staður á Austurlandi sem er einna þekktastur fyrir veðursæld. Fjörðurinn liggur milli Héraðsflóa og Bakkaflóa, víðlendur og veðursæll.
Íbúafjöldi í sveitarfélaginu er rétt um 660 manns. Aðalatvinnugreinar svæðisins eru fiskveiðar og fiskverkun, iðnaður, þjónusta og landbúnaður.
Vopnafjörður býður upp á mikla möguleika til afþreyingar og útivistar og er svæðið þekkt sem ein besta stangveiðiparadís landsins. Merktar gönguleiðar eru margar, fjölbreyttar og leiða á vit náttúruperla Vopnafjarðar. Tíma þínum er einnig vel varið í að heimsækja þau söfn og sýningar sem Vopnafjörður hefur uppá að bjóða, eða skella þér í sund í undurfögru umhverfi á bökkum Selár.
Vopnafjarðarkauptún er vinalegur bær, bæjarstæðið fallegt og Vopnfirðingar góðir heim að sækja.
Við leggjum áherslu á góða þjónustu við íbúa, blómlegt atvinnulíf og góða möguleika til tómstundaiðkunar.
Hér má finna ýmsar nytsamlegar upplýsingar fyrir nýja íbúa sveitarfélagsins.
Verið velkomin!
