Dagur leik­skólans

Dagur leik­skólans er haldinn 6. febrúar ár hvert og að þessu sinni ber daginn upp á laug­ardag.

Þetta er í 14. sinn sem þessum skemmti­lega degi er fagnað.

Markmið dagsins er að beina sjónum að leik­skól­anum og því grósku­mikla starfi sem þar fer fram.

6. febrúar er merki­legur dagur í sögu leik­skólans því það var einmitt á þeim degi árið 1950 sem frum­kvöðlar leik­skóla­kennara stofnuðu fyrstu samtök sín.

Orðsporið hvatningarverðlaun#ordsporid-hvatningarverdlaun

Í tilefni af degi leik­skólans var Orðsporið nú veitt í áttunda sinn. Orðsporið eru hvatn­ing­ar­verð­laun sem veitt eru þeim sem þykja hafa skarað fram úr í að efla orðspor leik­skóla­starfs í landinu og hafa unnið ötul­lega í þágu leik­skóla og leik­skóla­barna.

Lilja Dögg Alfreðs­dóttir, mennta- og menn­ing­ar­mála­ráð­herra, upplýsti á morg­un­verð­ar­fundi RannUng 5. febrúar að hand­hafi Orðsporsins 2021 væri leik­skóla­stigið.

Í ávarpi sínu sagði hún meðal annars: ”Leik­skóla­stigið hefur staðið í ströngu undan­farið ár og mikið hefur mætt á kenn­urum, stjórn­endum og öllu starfs­fólki leik­skól­anna við að halda leik­skóla­starfi gang­andi. Unnið hefur verið algjört þrek­virki á leik­skóla­stiginu og fyrir það ber að þakka. Ég geri mér grein fyrir því að þetta hefur verið á tímum mjög erfitt. Þess vegna vil ég þakka öllum þeim sem starfa á leik­skóla­stiginu fyrir þeirra vinnu. Þið eigið svo sann­ar­lega skilið Orðsporið 2021.”

Í tilefni dagsins#i-tilefni-dagsins

Í tilefni dagsins ætla nemendur og starfs­fólk leik­skólans Brekku­bæjar að hengja upp lista­verk á girð­inguna umhverfis leik­skóla­lóðina föstu­daginn 5. febrúar.

Íbúar og aðrir eru hvattir til að staldra við á leið sinni um Lóna­brautina næstu daga og virða fyrir sér lista­verk ungu kynslóð­ar­innar.

Það er ekki á hverjum degi sem lista­sýning verður á vegi manns um Lóna­brautina.

Njótið!