Vegna fjölgunar smita í landinu hefur skrifstofa Vopnafjarðarhrepps sett sér ákveðnar reglur sem gilda um starfsemina frá og með fimmtudeginum 8. október 2020.
Þjónusta skrifstofunnar fer nú öll fram símleiðis eða með tölvupóstsamskiptum. Hægt er að hringja á skrifstofuna alla virka daga milli kl. 10 og 15.
Einnig er hægt að senda tölvupóst á skrifstofa@vopnafjardarhreppur.is. Starfsfólk mun leiðbeina og leitast við að leysa úr þeim málum sem um er að ræða í hverju tilviki.
Sú tímabundna ráðstöfun verður tekin upp að þeir sem þurfa af brýnni nauðsyn að hitta einhvern starfsmann skrifstofunnar þurfa að panta tíma með því að senda tölvupóst á viðkomandi starfsmann.
Upplýsingar um netföng starfsmanna má finna á heimasíðu sveitarfélagsins hér.
Með þessu er leitast við að lágmarka umgang um húsið, bæði af gestum og starfsfólki. Tilhögun þessi gildir þar til annað hefur verið ákveðið.
Framangreindar ráðstafanir eru í þeim tilgangi að draga sem mest úr smithættu og til að tryggja sem best að starfsemi og þjónusta haldist órofin.
Vopnafjarðarhreppur biðst velvirðingar á þeim óþægindum sem þessar ráðstafanir kunna að fela í sér og hvetur íbúa sveitarfélagsins og landsmenn alla til að sýna samstöðu og samfélagslega ábyrgð og lágmarka hættuna á dreifingu á smiti.
Allar helstu upplýsingar um covid-19 má finna á covid.is