Á fundi hreppsráðs þann 3. desember sl. voru samþykktar reglur sveitarfélagsins varðandi skólaakstur barna úr sveitinni. Helstu breytingar á reglum þessum eru þær að frá 15. janúar 2021 og út skólaárið 2020-2021 verður boðið upp á akstur leikskólabarna að morgni dags til reynslu. Þetta er eingöngu í boði fyrir börn eldri en þriggja ára og aðeins þar sem er laust pláss í skólabíl að staðaldri.
Í vor verður verkefnið metið í samráði við þá aðila sem að því koma og framhald skólaaksturs leikskólabarna ákveðið með tilliti til þess.
Í stuttu máli eru það eftirfarandi reglur sem munu gilda:#i-stuttu-mali-eru-thad-eftirfarandi-reglur-sem-munu-gilda
- Heimilt er að flytja leikskólabörn með skólabílnum ef pláss er í bílnum
- Leikskólabörn skulu hafa náð þriggja ára aldri til að geta nýtt akstur með skólabíl
- Elsti árgangur leikskólabarna hefur ávallt forgang
- Foreldrar leikskólabarna (þar sem ekki eru einnig grunnskólabörn) skulu koma börnum sínum að akstursleið skólabíls. Hafa skal samráð við bílstjóra um stoppistöð bíls.
- Leikskólabörn skulu sitja í viðurkenndum bílstólum á ferðum sínum í skólabíl. Bílstólarnir eru á ábyrgð foreldra sem bera af þeim allan kostnað
- Foreldrar þurfa að sækja um pláss í skólabíl með fyrirvara
- Í fyrstu er boðið upp á akstur að morgni en foreldrar sæki börnin í leikskólann
Að öðru leyti er vísað í reglur um skólaakstur í Vopnafjarðarhreppi.
Umsóknarfrestur fyrir vorönn 2021 er til og með 15. desember 2020.