Dodici, 7.-8. bekkur í Vopnafjarðarskóla, urðu First Lego League meistarar Íslands á dögunum og unnu sér með því inn þátttökurétt í Skandinavísku FLL keppninni sem haldin var í Álasundi í Noregi þann 12. mars s.l.
Þar voru þau fulltrúar Íslands og stóðu sig með mikilli prýði. Krakkarnir kynntu nýsköpunarverkefni sem fjallaði um umhverfisvæna orkugjafa í vöruflutningum og tengdu þeir verkefnið sitt við Brim hf. Hópurinn útskýrði einnig hönnun og forritun vélmennisins sem keppt var með á þrautaborði í þremur lotum. Liðinu gekk ljómandi vel og í vélmennakappleiknum enduðu krakkarnir í 19.-20. sæti af 46 liðum sem er mjög ásættanlegur árangur. Að baki þessu öllu liggur mikil vinna auk þess sem Dodici var eina liðið sem ekki gat flutt verkefnin á sínu móðurmáli. Krakkarnir okkar voru ekki nokkrum vandræðum með að kynna verkefni sín á enskri tungu auk þess sem þau svöruðu óundirbúnum spurningum frá dómurum. Hópurinn sem samanstóð af 12 nemendum, 2 kennurum og 3 foreldrum kom að vonum ánægður heim úr ferðalaginu þrátt fyrir að Covid hafi ákveðið að slást í för með einhverjum úr hópnum.
Yfirumsjón með verkefninu fyrir hönd Vopnafjarðarskóla hafði Sólrún Dögg Baldursdóttir sem lagði mikla vinnu og tíma í verkefnið en einnig komu fleiri aðilar að því og samvinna allra skilaði sér í góðum árangri hópsins.
Þessi ferð hefði ekki getað orðið að veruleika nema fyrir samstöðu og stuðning styrktaraðila og fyrir það eru allir sem að verkefninu koma mjög þakklátir.
Dodici þakkar kærlega fyrir sig!