Kjördæmavika á Vopnafirði

Síðastliðna viku hefur varið fram kjördæmavika hjá þingmönnum.

Fimmtudaginn 5. október síðastliðinn komu þingmenn kjördæmisins í heimsókn til okkar á Vopnafjörð. Þeir áttu góðan fund með fulltrúum sveitarstjórnar þar sem rædd voru helstu málefni sveitarfélagsins. Rætt var um rekstur dvalarheimilisins Sundabúðar og mikilvægi góðra sjúkraflutninga á svæðinu. Umræður spunnust einnig um samgöngumál, húsnæðis- og atvinnumál ásamt sameiginlegum verkefnum milli sveitarfélaga og ríkisins.

Á myndinni eru f.v. Njáll Trausti Friðbertsson, Jódís Skúladóttir, Bjarkey Olsen Gunnarsdóttir, Jakob Frímann Magnússon, Bjartur Aðalbjörnsson, Hafdís Bára Óskarsdóttir, Logi Einarsson, Aðalbjörg Ósk Sigmundsdóttir, Axel Örn Sveinbjörnsson, Líneik Anna Sævarsdóttir, Sigmundur Davíð Gunnlaugsson, Þórarinn Ingi Pétursson, Sigurður Grétar Sigurðsson og Íris Edda Jónsdóttir. Myndina tók Ingibjörg Ísakssen sem sést neðst á myndinni.