Haustið 2019 var unnið að því að setja niður jafnlaunastefnu og jafnréttisáætlun Vopnafjarðarhrepps. Markmið með jafnréttisáætlun Vopnafjarðarhrepps er að stuðla að jafnrétti kynjanna og að kynja- og jafnréttissjónarmið verði samþætt allri starfsemi sveitarfélagsins. Aðgerðaáætlunin byggir á lögum um jafna stöðu og jafnan rétt kvenna og karla og jafnréttisstefnu Vopnafjarðarhrepps sem samþykkt var í sveitarstjórn þann 23. janúar 2020 og Evrópusáttmála um jafna stöðu kvenna og karla í sveitarfélögum og héruðum sem undirritaður var árið 2008.
Jafnréttisáætlun tekur meðal annars á eftirfarandi þáttum:
- Launajafnrétti
- Laus störf, starfsþjálfun og endurmenntun
- Sveigjanleiki til að samræma fjölskyldulíf og atvinnulíf
- Kynbundin áreitni, kynferðisleg áreitni, kynbundið ofbeldi og einelti
- Unnið gegn mismunun á vinnustöðum og möguleikar fólks með mismunandi starfsgetu auknir
- Áhersla á samþættingu kynjasjónarmiða í öllu starfi bæjarins
- Hver þáttur er vel markaður með markmiðum, aðgerðum, ábyrgð og tímaramma