Nýr vefur Vopnafjarðarhrepps sem var tekinn í notkun í september hlaut á föstudag tilnefningu til Íslensku vefverðlaunanna í flokki opinberra vefja.
Á föstudag, 26. mars, kemur svo í ljós hver af þeim 5 opinberu vefjum sem þóttu bestir á árinu 2020 hlýtur verðlaunin í flokknum. Vopnafjardarhreppur.is er í hópi mjög sterkra vefja, þar á meðal Island.is og Græna planið hjá Reykjavíkurborg.
Það er Kolofon hönnunarstofa sem á heiðurinn af vefnum en stofan og Vopnafjarðarhreppur nutu leiðsagnar og ráðgjafar Greips Gíslasonar við gerð vefjarins og ristjórn hans fyrstu mánuðina. Ljósmyndir tók Dagný Steindórsdóttir.