Aldrei hafa færri greiðendur hjá Vopnafjarðarhreppi fengið innheimtuviðvörun en á árinu 2021 og aldrei áður hafa jafn fá mál ratað í löginnheimtu. Þessi árangur er til marks um skilvísi íbúa og gott verklag við útgáfu reikninga sveitarfélagsins. Sem dæmi um góðan árangur má nefna að tæp 90% krafna sveitarfélagsins eru greiddar á eindaga eða fyrr. Með því að greiða reikninga á réttum tíma spara greiðendur sér umtalsverðar fjárhæðir í dráttarvexti og innheimtukostnað og er það því fagnaðarefni að fleiri og fleiri greiði eða semji um sín mál áður en til vanskila kemur.
Það er innheimtufyrirtækið Motus sem sér um innheimtur fyrir Vopnafjarðarhrepp og tekur Motus reglulega saman tölfræði fyrir sveitarfélagið. Á fundi sveitarfélagsins og Motus á dögunum komu meðal annars þessar jákvæðu fréttir fram.
Vopnafjarðarhreppur þakkar greiðendum fyrir þeirra þátt í þessum góða árangri!