Hlutverk og tilgangur Uppbyggingarsjóðs Austurlands er að styrkja menningar–, atvinnu– og nýsköpunarverkefni á Austurlandi í samræmi við samning um Sóknaráætlun landshlutans.
Uppbyggingarsjóður Austurlands er samkeppnissjóður og eru umsóknir metnar út frá markmiðum og áherslum sem fram koma í Sóknaráætlun Austurlands 2020–2024 og þeim reglum og viðmiðum sem hér koma fram. Úthlutað er úr sjóðnum árlega til verkefna á sviði menningar annars vegar, þar á meðal stofn– og rekstrarstyrkjum, og til atvinnu– og nýsköpunarverkefna hins vegar. Austurbrú fer með umsýslu og verkefnastjórn Uppbyggingarsjóðs í umboði Sambands sveitarfélaga á Austurlandi (SSA). Fagráð og úthlutunarnefnd Uppbyggingarsjóðs eru skipuð af stjórn SSA.
Komdu og fáðu aðstoð með að sækja um í Uppbyggingarsjóð Austurlands.#komdu-og-fadu-adstod-med-ad-saekja-um-i-uppbyggingarsjod-austurlands
Vinnustofa þar sem umsækjendur geta fengið kynningu og leiðsögn varðandi umsóknaferlið verður á Vopnafirði 6. október í Kaupvangi kl. 13:00— 15:00.
Vinnustofur hefjast á kynningu á Uppbyggingarsjóði, úthlutunarreglum og vinnulagi við umsóknir. Eftir það veitir ráðgjafi viðtöl vegna einstakra umsókna og verkefnahugmynda.
Athugið að nauðsynlegt er að skrá sig á vinnustofurnar í síðasta lagi daginn áður en þær eru haldnar. Viðburðurinn um vinnustofur á Austurlandi er á Facebook og má nálgast hér.
Á vefsíðu Austurbrúar má finna frekari upplýsingar um sjóðinn.
Umsóknarfrestur í Uppbyggingarsjóð Austurlands er til 16. október.