Svæðisskipulagsnefnd fjögurra sveitarfélaga á Austurlandi (SSA) hefur auglýst tillögu að svæðisskipulagi fyrir Austurland, þ.e. Svæðisskipulag Austurlands 2022 til 2044, samkvæmt 24. gr. skipulagslaga nr. 123/2010.
Í svæðisskipulagstillögunni er sett fram sameiginleg stefna sveitarfélaganna í landshlutanum á sviði umhverfis, efnahags, samfélags og menningar með það að markmiði að Austurland verði æ betra til búsetu, atvinnu og ferðalaga.
Svæðisskipulagsgögnin eru til sýnis á vef Austurbrúar og í samráðsgátt stjórnvalda.
Athugasemdir þurfa að berast rafrænt í samráðsgátt stjórnvalda eða á netfangið svaedisskipulag@austurbru.is, eigi síðar en 20. ágúst 2022.