Sýnataka vegna Covid-19 verður á heilsugæslunni á Vopnafirði miðvikudaginn 19. janúar klukkan 8:30 til 8:50 og föstudaginn 21. janúar klukkan 12:30 til 13:00.
Mikilvægt er að bóka sýnatöku á heilsuvera.is, þá er valið Covid-19 úr listanum til vinstri og síðan „bóka einkennasýnatöku“. Þá er hakað við þau einkenni sem eiga við en einkennalausir geta einnig mætt í skimun og haka þá við „skv. tilmælum rakningateymis“. Staðsetning sýnatöku er valin sem „Egilsstaðir“ og þá fær viðkomandi sent strikamerki í símann sem þarf að framvísa á sýnatökustað. Foreldrar geta bókað sýnatöku fyrir börn sín á heilsuvera.is á sama hátt. Ef einhver vandræði eru við að fá sent strikamerki þá verður hægt að aðstoða fólk á staðnum.
Þeir sem hyggjast mæta í sýnatöku eru einnig beðnir um að tilkynna komu sína á heilsugæsluna á Vopnafirði í síma 470 3070, ef þess gefst kostur.