Anna Guðný Gröndal hefur verið ráðin safnstjóri við Minjasafnið Bustarfelli, í 50% starf frá 1. júní 2025. Hún kom í viku tíma fyrir opnun safnsins og kom aftur til starfa í viku nr. 24, en safnið hefur verið opið frá 1. júní og þegar er búið að taka á móti skólahópum og öðrum gestum ásamt opnun á kaffihúsinu, Hjáleigunni.
Anna Guðný hefur lokið BA prófi í sagnfræði við Háskóla Íslands og mun á þessu ári einnig ljúka meistaranámi í „Cultural heritage and sustainability“, eða menningararfur og sjálfbærni, við Uppsalaháskóla í Svíðþjóð.
Hún hefur mikinn áhuga á menningu og sögu, og að starfa í því umhverfi, ásamt því að miðla þeim verðmætum áfram. Þá hefur hún reynslu af safnastarfi í gengum Þjóðminjasafnið þar sem hún starfaði við móttöku og sýningargæslu ásamt því að fara með leiðsagnir um sýningu safnsins. Einnig hefur hún unnið í skráningum bæði fyrir Markaðsstofu Reykjaness og fyrir Umhverfis-, orku og loftlagsráðuneyti, þar sem hún tók þátt í umsókn fyrir Snæfellsnes Vistvang hjá UNESCO.
Sveitarstjórn Vopnafjarðarhrepps samþykkti á 37. fundi sínum, sem haldinn var 12. desember 2024, að „…taka yfir daglegan rekstur Bustarfells og felur sveitarstjóra að vinna að nánari útfærslu sem lögð verður fyrir sveitarstjórn.“ Eftir að hafa skoða það, og í samráði við KPMG, þá mun safnið verða rekið áfram með svipuðum hætti og á sinni eigin kennitölu, sem mun halda utan um allan rekstur safnsins og auðvelda meðal annars umsóknir um styrki ofl.þ.h., en sveitarfélagið sem eigandi safnsins styðja áfram við reksturinn, með svipuðum hætti og áður með föstum samningi og einnig með öðrum hætti. Þá mun áfram verða samstarf við Þjóðminjasafnið, sem eiganda húsakosts, um viðhald og endurbætur.
Þetta þýðir að Hjáleigan verður áfram rekin á vegum safnsins, og starfsmann ráðnir til safnsins, en fundin verður leið til þess með hvaða hætti sveitarfélagið getur stutt meira og betur við reksturinn.
Það er mikill fengur að vera búin að ráða nýjan safnstjóra, með þá menntun og reynslu sem Anna Guðný hefur, og er vonast eftir góðu samstarfi við hana og halda áfram öflugu starfi sem og að innleiða nýjungar með því að kynna safnið og auka veg þess að virðingu í samfélaginu.
Eyþór Bragi Bragason, sem áður var safnstjóri Bustarfells verður frá og með sama tíma staðarhaldari og tekur við því starfi af móður sinni Björgu Einarsdóttur sem hefur nú sinnt safninu meira og minna í 40 ár og er henni færðar bestu þakkir fyrir óeigingjarnt starf, fyrir Minjasafnið Bustarfell og samfélagið.
Á meðfylgjandi mynd má sjá Eyþór Braga afhenda lyklana af minjasafninu til Önnu Guðnýar, um nýliðin mánaðarmót.