Á morgun sunnudaginn 16. janúar klukkan 13:00 verður sýnataka í bílskúrnum við Heilsugæsluna á Vopnafirði. Í ljósi þess að enn eru að greinast smit hér í okkar sveitarfélagi, líkt og víða annarsstaðar, hvetjum við alla þá sem eru með einkenni eða hafa mögulega verið útsettir fyrir smiti, að mæta í sýnatöku og halda sig til hlés á meðan beðið er eftir niðurstöðum. Fólk skráir sig í sýnatöku á heilsuvera.is.
Aðgerðastjórn á Austurlandi hvetur sem fyrr alla til að kynna sér nýjar og nokkuð breyttar sóttvarnaraðgerðir sem tóku gildi á miðnætti í gær. Um þær má lesa almennt, skoða reglugerðina og lesa minnisblað Þórólfs Guðnasonar sóttvarnalæknis á hlekknum: Stjórnarráðið | COVID-19: Almennar samkomutakmarkanir hertar á miðnætti (stjornarradid.is)