Það var ánægjulegt að sjá hve mikið líf færðist í bæinn seinni part fyrsta sunnudags í aðventu þegar jólasveinar höfðu boðað komu sína til okkar.
Þar sem ekki var hægt að stefna fólki saman í miðbænum okkarog tendra ljós á jólatrénu saman eins og venjan er þá brugðu sveinarnir á það ráð að fá sér bílstjóra og rúnta um götur bæjarins til að sýna sig og sjá aðra. Það viðraði vel til útiveru á meðan á þessu stóð og vonandi hafa allir notið sem best.
Þann 1. desember fóru svo elstu börnin af leikskólanum Brekkubæ í miðbæinn og tendruðu ljós á jólatrénu.
Að þessu sinni bauð veðurguðinn upp á 13 stiga hita og 20 m/s en þau létu það ekki á sig fá og sungu og dönsuðu í kringum tréð glöð í bragði. Þennan dag átti leikskólinn Brekkubær einmitt afmæli en hann var opnaður 1. desember 1991.