Í lok árs 2020 hlaut verkefnið „Fjölþjóðleg listahátíð barna“ menningarstyrk úr Uppbyggingarsjóði Austurlands. Umsækjandi um styrkinn var Vopnafjarðarhreppur og verkefnisstjóri er Þórhildur Sigurðardóttir.
Um verkefnið#um-verkefnid
Markmið verkefnisins er meðal annars að kynna fjölbreytileika menningar mismunandi þjóða, auka víðsýni og efla vináttu í samfélaginu með áherslu á fjölbreytt listastarf barna.
Þema verkefnisins eru þjóðfánar, vinátta og sköpun.
Í dag er vitað um 22 þjóðarbrot á Vopnafirði. Hluti verkefnisins er að fagna þjóðhátíðardögum allra þeirra þjóða með því að draga þjóðfána þeirra að húni.
Þjóðhátíðardagur #thjodhatidardagur
Í dag er þjóðhátíðardagur Gvæjana.
- Höfuðborg: Georgetown
- Þjóðardýr: Jagúar
- Þjóðarblóm: Vatnalilja
Dagurinn er haldinn hátíðlegur í leikskólanum Brekkubæ og þar hafa börnin meðal annars föndrað þjóðfána Gvæjana.
