Cathy Ann Josephson veitt fálka­orða

Cathy Ann Josephson, ættfræð­ingur hér í Vopna­firði, var á nýársdag meðal þeirra 14 Íslend­inga sem Guðni Th. Jóhann­esson, forseti Íslands, veitti heið­urs­merki hinnar íslensku fálka­orðu við athöfn á Bessa­stöðum. Cathy segir að orðan veiti henni hvatn­ingu til að halda áfram við ættfræðina skv. aust­ur­frett.is.

Cathy hefur í tæp 30 ár rakið saman ættir Íslend­inga og Vestur-Íslend­inga og þannig tengt fólk beggja vegna Atlants­hafsins. Hún er sjálf uppalinn í Banda­ríkj­unum en af íslenskum ættum.  Afi hennar fæddist á Hraun­felli í Sunnudal og amma hennar í Viðvík, milli Bakka­fjarðar og Strand­ar­hafnar. Hennar fólk var vopn­firskt og föðurætt afa hennar af Aust­ur­landi. Cathy á því fullt af skyld­fólki hér eystra, einkum á Vopna­firði.

Cathy kom fyrst til Vopna­fjarðar ásamt fjöl­skyld­unni árið 1994. Síðan kom hún aftur sex mánuðum síðar og hefur búið nánast samfellt á Vopna­firði síðan þá.

Cathy hefur staðið að baki Vest­urfara­setri í Kaup­vangi á Vopna­firði þar sem meðal annars hafa verið settar upp sýningar um vest­ur­ferð­irnar. Hún hefur frá árinu 2013 starfað með hópnum Icelandic Roots sem heldur utan um ættir Vestur-Íslend­inga.

Vopna­fjarð­ar­hreppur óskar Cathy inni­lega til hamingju með fálka­orðuna og með þökkum fyrir hennar frábæra starf hjá Vest­urfara­setrinu!

Viðtal við Cathy má lesa á vefsíðu Aust­ur­fréttar: Fálka­orðan veitir aukinn kraft við ættfræðina.