Seinni umræða sveitarstjórnar um ársreikning Vopnafjarðarhrepps 2021 fór fram á sveitarstjórnarfundi í Miklagarði í gær fimmtudaginn 12. maí 2022.
Í fundargerð sveitarstjórnar frá 12. maí 2022 segir meðal annars:
“Rekstrartekjur sveitarfélagsins á árinu námu 1.328 millj. kr. samkvæmt ársreikningi fyrir A og B hluta, en þar af námu rekstrartekjur A hluta 890 millj. kr. Rekstrarniðurstaða A og B hluta var neikvæð um 32 millj. kr. og rekstrarniðurstaða A hluta var neikvæð um 115 millj. kr. samkvæmt rekstrarreikningi. Eigið fé sveitarfélagins í árslok 2021 nam 887 millj. kr. samkvæmt efnahagsreikningi fyrir A og B hluta, en eigið fé A hluta um 153 millj. kr.
Covid-19 heimsfaraldurinn sem nú geisar hefur almennt áhrif á mörgum sviðum þar með talin efnahagsleg. Fjárhagsleg áhrif á sveitarfélagið á árinu voru ekki veruleg en komu helst fram í breytingu á tilhögun á veitingu þjónustu s.s. skólastarfi og auknum forföllum starfsmanna. Eins og komið hefur fram í ársreikningum undanfarinna ára þá duga framlög ríkisins ekki fyrir rekstri hjúkrunarheimilisins og hefur sveitarfélagið þurft að greiða með rekstrinum. Skuldastaða sveitarfélagsins er hins vegar góð. “
| Ársreikningur 2021 | pdf / 4 mb |