Miðvikudaginn 18. nóvember tekur gildi ný reglugerð um takmarkanir á samkomum til að sporna við útbreiðslu heimsfaraldurs. Skemmst er frá því að segja að þær aðgerðir sem þegar gripið hefur verið til á Vopnafirði halda áfram meðan reglugerðin er í gildi, eða til og með 1. desember.
Sundlaugin og íþróttahúsið verða lokuð. Félagsstarfssemi eldriborgara og sambærilegir viðburðir falla niður. Upplýsingar um þessar skerðingar má finna á viðeigandi síðum hér á vefnum. Áfram verður aðeins hægt að leita eftir þjónustu skrifstofu hreppsins í gegnum vefspjall, síma eða með tölvupósti.
Heilbrigðisráðherra hefur fallist á tillögur sóttvarnalæknis sem fela í sér varfærnar tilslakanir á gildandi samkomutakmörkunum. Breytingarnar taka gildi 18. nóvember. Þær eru helstar að íþrótta-, æskulýðs- og tómstundastarf barna í leik- og grunnskólum verður heimilt á ný. Í framhaldsskólum verða fjöldamörk aukin í 25. Hægt verður að hefja ýmsa þjónustustarfsemi sem krefst snertingar eða mikillar nándar. Almennar fjöldatakmarkanir miðast áfram við 10 manns. Gert er ráð fyrir að hægt verði að draga enn frekar úr samkomutakmörkunum í byrjun desember.
Úr frétt á vef stjórnarráðsins
Nánar má lesa um tilskipun heilbriðgisráðherra á vef stjórnarráðsins.
Gildandi takmörkunum eru gerð skil á covid.is.