Frestur fyrir athugasemdir
21. maí 2021
21. maí 2021
Sveitarstjórn Vopnafjarðarhrepps auglýsir hér með opið hús þar sem íbúar geta kynnt sér skipulagslýsinguna skv. ákv. gr. 5.2 í skipulagsreglugerð.
Deiliskipulag hafnarsvæðis. Lýsing skipulagsáforma um breytingu á deiliskipulagi fyrir hafnarsvæði á Vopnafirði vegna stækkunar á uppsjávarvinnslu.
Brim hf., eigandi fiskvinnslunnar á Vopnafirði, hefur í hyggju að reisa nýja og stærri uppsjávarvinnslu á hafnarbakka Vopnafjarðarhafnar. Ekki er gert ráð fyrir þeirri uppbyggingu í núgildandi deiliskipulagi hafnarsvæðisins. Stækkunin er háð lengingu á löndunarbryggjunni og landfyllingu en gert er ráð fyrir þeirri stækkun í deiliskipulaginu.
Gildandi deiliskipulag hafnar- og miðsvæðis á Vopnafirði var staðfest 17. janúar 2020.
Opið hús verður í Félagsheimilinu Miklagarði, miðvikudaginn 5. maí n.k. kl. 16:00 – 17:00 og hefst með kynningu ráðgjafa á skipulagslýsingunni í gegnum fjarfundabúnað.
Skipulagslýsingin verður til sýnis á skrifstofu Vopnafjarðarhrepps, Hamrahlíð 15, Vopnafirði til föstudagsins 21. maí 2021.
Almenningi er gefinn kostur á að koma með ábendingar á kynningunni og/eða senda inn ábendingar til skipulags- og byggingarfulltrúa Vopnafjarðarhrepps, Hafnargötu 28, 710 Seyðisfirði eða á netfangið sigurdur.jonsson@efla.is. Frestur til að skila inn athugasemdum er til föstudagsins 21. maí 2021.
Hver sá, sem eigi gerir athugasemdir við tillöguna fyrir tilskilinn frest, telst samþykkur henni.