Vopnafjarðarhreppur auglýsir hér með eftir áhugasömum aðilum til þess að taka að sér veitingarekstur á jarðhæð í Kaupvangi sem er virðulegt hús í miðbæjarkjarna Vopnafjarðar.
Undanfarin þrjú ár hefur verið rekinn veitingarstaður í rýminu og áður hefur verið veitingarekstur af ýmsu tagi s.s. kaffihús og fjölbreyttir viðburðir.
Um er að ræða sal með eldhúsi og rými inn af eldhúsi. Þá eru tvö salerni á jarðhæð sem og aðgangur að starfsmannasalerni á efri hæð. Samtals 102,35 fermetrar. Aðalinngangur er á framhlið hússins.
Óskað er eftir umsóknum um veitingarekstur í húsinu. Umsóknum þarf að fylgja upplýsingar um tegund veitingareksturs, ásamt hugmyndum um opnunartíma og annað því tengt. Leiga rýmisins mun m.a. taka tillit til starfsemi í húsinu, opnunartíma og þátttöku í upplýsingagjöf svæðisins. Þá mega gjarnan fylgja hugmyndir um aðra menningartengda starfsemi, þó það sé ekki skilyrði.
Rekstrinum hefur fylgt aðkoma að upplýsingagjöf til almennings og ferðamanna og einnig þrif á almannarými og anddyri á jarðhæð, en um það er samið sérstaklega. Húsinu fylgir búnaður þó alls ekki tæmandi.
Umsókn um rekstur og humyndir um starfsemi í umræddu húsnæði skal skilað til skrifstofu Vopnafjarðarhrepps rafrænt á netfangið valdimarh@vfh.is merkt Kaupvangur – Hreppsráð í síðasta lagi til og með föstudeginum 5. september nk.
Áskilinn er réttur til þess að taka hvaða tilboði sem er og/eða hafna öllum tilboðum.
Allar frekari upplýsingar veitir Valdimar O. Hermannsson, sveitarstjóri í síma 860 6770.