Slæm umgengni utan opnunartíma á leikskólalóðinni við Brekkubæ hefur lítið lagast undanfarnar vikur og hefur nú einnig teygt anga sína til aðstöðu við tjaldsvæðið okkar.
Sést hefur til barna/unglinga á þessum svæðum utan opnunartíma leikskólans og einnig við tjaldsvæðið.
Um leið og við minnum okkur öll á að ganga vel um þá biðlum við enn á ný sérstaklega til foreldra að ræða þessi mál við börn sín og hvetja þau til að ganga sómasamlega um umhverfið okkar.
Þess má geta að fulltrúar sveitarfélagsins hafa fundað með lögreglu vegna þessara mála og verið er að skoða að setja upp eftirlitsmyndavélar á þessi svæði. Það er bæði kostnaðarsamt og sorglegt ef þarf að grípa til þess ráðs en eins og staðan er í dag virðist ekkert annað vera í stöðunni.