Borið hefur á slæmri umgengni á leikskólalóðinni við Brekkubæ undanfarið.
Þar hafa meðal annars verið unnin skemmdarverk á húsnæði auk þess sem þar hefur verið skilið eftir rusl eins og nikótínpúðar, sælgætisbréf, sælgæti, gosflöskur, verkjalyf og fleira.
Skilyrði fyrir því að lóðin umhverfis leikskólann og leiktæki á henni séu opin almenningi utan opnunartíma leikskólans eru þau að gengið sé af virðingu um svæðið.
Foreldrar og forráðamenn eru hvattir til að ræða þessi mál við börn sín til að reyna eftir mætti að koma í veg fyrir þessa slæmu umgengni.
Berum virðingu fyrir hverju öðru, umhverfinu og eigum okkar allra!