Vopnafjarðarhreppur auglýsir eftir samstarfsaðila um rekstur á tjaldsvæði sveitarfélagsins ofan Lónabrautar. Um er að ræða fullbúið svæði og tilheyrandi mannvirki.
Samstarfsaðili skal sjá um rekstur svæðisins og mannvirkja sem þar eru, innheimtu afnotagjalda, upplýsingagjöf og þjónustu við ferðamenn, auglýsingar fyrir svæðið og annað tilheyrandi. Samstarfsaðili hafi síðan tekjur af svæðinu en beri jafnframt kostnað af daglegum rekstri. Til kostnaðar telst m.a. þrif á svæðinu og mannvirkjum, sláttur og eftirlit.
Hugmynd sveitarfélagsins er að leigutaki hafi möguleika á að greiða leiguverðið að hluta til dæmis með endurbótum á svæðinu, þátttöku í uppbyggingu þess sem hluta af ferðaþjónustu, viðhaldi mannvirkja.
Árlegur opnunartími tjaldsvæðisins skal vera a.m.k. frá 1. maí til 30 september.
Sveitarfélagið er þó áhugasamt um að lengja opnunartíma svo mikið sem mögulegt er.
Stefnt er að því að samstarfsaðili taki við svæðinu vorið 2022.
Við val á samstarfsaðila verður m.a. horft til:
- Jákvæðni og vilja til að taka þátt í að byggja upp áhugaverðan kost fyrir gesti.
- Skýrri framtíðarsýn hvað rekstur tjaldsvæðisins varðar.
- Hagkvæmni sveitarfélagsins af samningi.
- Reynslu af ferðaþjónustu.
- Reynslu af rekstri.
- Reglusemi og samviskusemi
Gert er skilyrði um að viðkomandi sé í skilum með opinber gjöld.
Nánari upplýsingar og umsóknir#nanari-upplysingar-og-umsoknir
Nánari upplýsingar eru veittar á skrifstofu Vopnafjarðarhrepps í síma 473 1300.
Fyrirspurnir/umsóknir skal senda á netfangið skrifstofa@vfh.is fyrir 25. mars 2022.