Fyrir hönd íbúa Vopnafjarðarhrepps sendum við hlýjar kveðjur og hluttekningar í þeim erfiðleikum og óvissu sem Grindvíkingar standa frammi fyrir.
Hugur okkar er hjá Grindvíkingum sem hafa verið rækilega minntir á þau öfl sem búa í íslenskri náttúru og þurft að yfirgefa heimili sín og vita ekki hvenær þeir geta snúið aftur heim. Einnig hjá þeim viðbragðsaðilum sem nú vinna dag og nótt við að tryggja öryggi íbúa.