Fréttir úr sveit­ar­fé­laginu/skýrsla sveit­ar­stjóra

Fyrstu mánuðir nýs kjör­tíma­bils hafa einkennst af fjöl­breyttum verk­efnum og ýmsum breyt­ingum hjá sveit­ar­fé­laginu. Samhliða daglegum rekstri hefur verið unnið að áfram­hald­andi uppbygg­ingu, fram­kvæmdum og atvinnu­málum auk þess sem ýmis verk­efni hafa verið sett af stað sem munu móta starfið á næstu miss­erum. Hér verður stiklað á helstu verk­efnum og málum sveit­ar­fé­lagsins síðustu mánaða.

Ný sveit­ar­stjórn tók form­lega við í byrjun júní. Frá þeim tíma hefur tölu­verð vinna farið í að móta fyrir­komulag stjórn­sýsl­unnar til næstu ára og leggja grunn að starf­semi sveit­ar­fé­lagsins á nýju kjör­tíma­bili. Meðal annars hefur verið unnið að breyt­ingum á stjórn­sýslu og nefnda­skipan, yfir­ferð og mótun starfs­lýs­inga, ráðn­ing­ar­málum og öðrum verk­efnum sem tengjast skipu­lagi og starf­semi sveit­ar­fé­lagsins.

Sem liður í þessum breyt­ingum hafa tvö störf innan stjórn­sýsl­unnar, fjár­mála­stjóri og starf verk­efna­stjóra stjórn­sýslu, verið sameinuð í eitt starf skrif­stofu­stjóra sem hefur verið auglýst til umsóknar.

Sveit­ar­stjórn­ar­full­trúar áttu fund með full­trúum Brims þann 12. ágúst sl. í Mikla­garði þar sem atvinnumál og fram­tíð­ar­tæki­færi á Vopna­firði voru til umræðu. Fund­urinn var liður í þeirri vinnu sem framundan er við að horfa til fram­tíðar í atvinnu­málum sveit­ar­fé­lagsins, greina þau tæki­færi sem kunna að vera til staðar og skoða hvernig hægt sé að styðja við frekari atvinnu­upp­bygg­ingu og fjöl­breyttara atvinnulíf á svæðinu.

Fyrir­hugað er að ráða verk­efna­stjóra sem mun meðal annars vinna að kort­lagn­ingu atvinnu­tæki­færa á Vopna­firði og halda utan um áfram­hald­andi vinnu á þessu sviði. Þá stendur til að koma á fót sprett­hópi þar sem unnið verður mark­visst að hugmyndum og tæki­færum sem geta styrkt atvinnulíf og samfé­lagið til fram­tíðar.

Eitt þeirra málefna sem sveit­ar­stjórn vill leggja áherslu á í þessari vinnu er að skoða með hvaða hætti megi efla ferða­þjón­ustu á Vopna­firði og nýta betur þau tæki­færi sem kunna að vera til staðar á því sviði. Ferða­þjón­usta verður því meðal þeirra þátta sem horft verður til samhliða öðrum tæki­færum til atvinnu­upp­bygg­ingar í sveit­ar­fé­laginu.

Sveit­ar­stjórn hefur tilkynnt að stefnt sé að íbúa­fundi þar sem mikil­vægt er að íbúar og atvinnulíf á svæðinu komi einnig að þessari vinnu. Stefnt er að íbúa­fundi síðar í haust þar sem farið verður yfir stöðu mála og íbúum gefinn kostur á að taka þátt í samtalinu, koma hugmyndum á fram­færi og hafa áhrif á næstu skref.

María Guðmunds­dóttir hefur verið ráðin sem skóla­stjóri Vopna­fjarð­ar­skóla en María hefur mikla reynslu úr skólaum­hverfinu og var áður skóla­stjóri á Bakka­firði. Hún hefur komið að ýmsum verk­efnum um skóla­þróun og alþjóða­verk­efnum innan grunn­skóla, ásamt því að hafa sinnt málum farsældar.

Við bjóðum Maríu hjart­an­lega velkomna í nýtt starf og hlökkum til samstarfsins.

Þá var fyrsti áfangi fram­kvæmda við skóla­lóðina unninn í sumar. Í þessum áfanga var sett upp róla og tvö trampólín og með því bættist við fjöl­breyttari leik­aðstaða á skóla­vell­inum. Mæli­fell ehf. sáu um fram­kvæmdina ásamt starfs­mönnum þjón­ustumið­stöðv­ar­innar.

Fram­kvæmd­irnar eru liður í áfram­hald­andi uppbygg­ingu og endur­bótum á skóla­lóð­inni með það að mark­miði að skapa fjöl­breytt og aðlað­andi útisvæði fyrir nemendur.

 

María Guðmunds­dóttir, nýr skóla­stjóri við Vopna­fjarð­ar­skóla.

Nýting­ar­mið­stöð á Vopna­firði hlaut þriggja milljóna króna styrk úr Lóu – nýsköp­un­ar­styrkjum fyrir árið 2026. Styrk­urinn er mikilvæg viður­kenning fyrir verk­efnið og mun nýtast við áfram­hald­andi þróun þess.

Verk­efnið var sett af stað til að skapa öflugan vett­vang fyrir nýsköpun og þróun í matvæla­fram­leiðslu á Vopna­firði. Hugmyndin er að byggja upp umhverfi þar sem hægt verður að þróa hugmyndir að vörum, auka verð­mæti hráefna, full­nýt­ingu afurða og styrkja atvinnulíf og nýsköpun á svæðinu.

Verk­efnið er umfangs­mikið og hefur á undan­förnum miss­erum verið unnið að því að móta hvernig best sé að byggja það upp. Sú vinna hefur meðal annars leitt til þess að ákveðið hefur verið að leggja enn meiri áherslu á þekk­ingu, rann­sóknir og samstarf við háskóla- og rann­sókn­ar­um­hverfið samhliða teng­ingu við atvinnu­lífið.

Á þessu stigi er því lögð áhersla á að forgangsraða fyrstu skrefum verk­efn­isins vel og tryggja því trausta umgjörð áður en næsti áfangi hefst. Sú vinna er í fullum gangi og verður nánar sagt frá þróun verk­efn­isins eftir því sem einstök skref skýrast.

Við höfum lagt áherslu á að þróa verk­efnið í skrefum og hugmyndin hefur tekið á sig skýrari mynd eftir því sem vinn­unni hefur miðað áfram. Nú sjáum við enn skýrari tæki­færi í því að tengja saman atvinnulíf, rann­sóknir og háskóla­sam­fé­lagið. Styrk­urinn gefur okkur því mikil­vægan stuðning til að halda þeirri vinnu áfram.

Alls hlutu 21 verk­efni Lóu-nýsköp­un­ar­styrk árið 2026 og nemur heild­ar­út­hlut­unin 100 millj­ónum króna. Styrk­irnir eru ætlaðir verk­efnum á lands­byggð­inni sem stuðla að nýsköpun, verð­mæta­sköpun og samfé­lags­legri þróun.

 

Bæjar­há­tíðin Vopna­skak fór fram dagana 9.–12. júlí sl. og tókst hátíðin afar vel. Mikil stemning var í firð­inum  þessa daga og fjöldi gesta sem lagði leið sína á svæðið til að taka þátt í hátíð­ar­höld­unum.

Boðið var upp á fjöl­breytta dagskrá þar sem fólk á öllum aldri gat fundið eitt­hvað við sitt hæfi. Vopna­skak er mikil­vægur viðburður í samfé­laginu og skapar gott tæki­færi fyrir heima­fólk, brott­flutta Vopn­firð­inga og gesti til að koma saman og njóta þess sem Vopna­fjörður hefur upp á að bjóða.

Margir komu að undir­bún­ingi og fram­kvæmd Vopna­skaks og er ljóst að hátíð sem þessi verður ekki að veru­leika án mikillar vinnu og góðrar samstöðu. Sveit­ar­fé­lagið færir öllum þeim sem komu að hátíð­inni, með einum eða öðrum hætti, bestu þakkir fyrir þeirra framlag. Sérstakar þakkir fá þau sem tóku að sér skipu­lagn­ingu, fyrir­tæki og félaga­samtök sem lögðu sitt af mörkum, sjálf­boða­liðar, starfs­menn þjón­ustumið­stöðvar og aðrir sem lögðu hönd á plóg. Ekki síður ber að þakka íbúum og gestum fyrir góða þátt­töku og fyrir að eiga sinn þátt í að skapa þá góðu stemn­ingu sem einkenndi Vopna­skak í ár.

 

Þann 1. sept­ember nk. fer sveit­ar­stjóri í fæðing­ar­orlof og mun Björn Ingimarsson taka við starfi sveit­ar­stjóra sem stað­gengill næstu níu mánuði hið minnsta.

Fyrstu mánuðir nýrra sveit­ar­stjórn­ar­full­trúa fara eðli máls samkvæmt að hluta til í að móta áherslur, stilla saman strengi og leggja grunn að því starfi sem framundan er.

Nú þegar haustar tekur við anna­samur tími. Vinna við fjár­hags­áætlun sveit­ar­fé­lagsins fer á fullt, áfram verður unnið að atvinnu­málum og þeim tæki­færum sem þar kunna að felast, auk verk­efna á sviði úrgangs­mála og fram­kvæmda svo eitt­hvað megi nefna.

Það er því óhætt að segja að verk­efnin framundan séu bæði fjöl­breytt og umfangs­mikil og áfram verður unnið að því að skapa traustan grunn fyrir áfram­hald­andi þróun og uppbygg­ingu öflugs samfé­lags á Vopna­firði.