Seinni umræða sveitarstjórnar um ársreikning Vopnafjarðarhrepps 2022 fór fram á sveitarstjórnarfundi í Miklagarði miðvikudaginn 17. maí 2023.
Í fundargerð sveitarstjórnar frá 17. maí 2023 segir meðal annars:
Rekstrartekjur sveitarfélagsins á árinu námu 1.432 millj. kr. samkvæmt ársreikningi fyrir A og B hluta, en þar af námu rekstrartekjur A hluta 968 millj. kr. Rekstrarniðurstaða A og B hluta var jákvæð um 1,6 millj. kr. og rekstrarniðurstaða A hluta var neikvæð um 102 millj. kr. samkvæmt rekstrarreikningi. Eigið fé sveitarfélagins í árslok 2022 nam 899 millj. kr. samkvæmt efnahagsreikningi fyrir A og B hluta, en eigið fé A hluta um 57 millj. kr.
Eins og komið hefur fram í ársreikningum undanfarinna ára þá duga framlög ríkisins ekki fyrir rekstri hjúkrunarheimilisins og hefur sveitarfélagið þurft að greiða töluvert með rekstrinum.
Heildarskuldir og skuldbindingar námu 1.047 millj. kr. í árslok 2022 fyrir A og B hluta.
Engin lántaka var hjá sveitarfélaginu á árinu 2022 og er skuldastaða sveitarfélagsins góð og vel innan viðmiðunarmarka.
Ársreikningurinn verður kynntur fyrir íbúum þriðjudaginn 13.júní kl. 16:00 – 17:00 í félagsheimilinu Miklagarði.
Ársreikningur 2022 | pdf / 354 kb |