Umhverfis- og framkvæmdaráð

1. Erindi#1-erindi

Aðalskipulag Vopnafjarðarhrepps til 2040
Aðalskipulag Vopnafjarðarhrepps til 2040 var sent fundarmönnum og sveitarstjórn til yfirferðar nú í upphafi ársins. Farið var yfir vinnsluferlið af SJ og GÁ, og þeir jafnframt svöruðu spurningum.
Eftirfarandi tillaga liggur fyrir fundinum: Umhverfis- og framkvæmdaráð samþykkir tillöguna fyrir sitt leyti, með viðeigandi lagfæringum á texta samkvæmt umræðu á fundinum, og leggur til við sveitarstjórn að hún óski eftir heimild Skipulagsstofnunar til að auglýsa tillöguna.
Tillagan er borin upp til samþykktar. Samþykkt samhljóða.
Deiliskipulags Sundabúðar – nýtt deiliskipulag í byggðu hverfi
auglýsing á lýsingu lokið og umsagnir liggja fyrir inn á gáttinni. https://skipulagsgatt.is
Umsagnir bárust frá Minjastofnun Íslands, Mílu, Rarik og Slökkviliði Múlaþings. Ráðið fór yfir umsagnir og samþykkir að taka tillit til þeirra athugasemda sem þar koma fram.
Eftirfarandi tillaga liggur fyrir fundinum: Umhverfis- og framkvæmdaráð samþykkir að leggja til við sveitarstjórn að unnin verði vinnslutillaga fyrir deiliskipulagið, að teknu tilliti til umsagna.
Tillagan er borin upp til samþykktar. Samþykkt samhljóða.
Umsagnarbeiðni – Aðalskipulag Norðurþings, nr. 0538/2023 í Skipulagsgátt
Fyrir liggur umsagnarbeiðni um Aðalskipulag Norðurþings, nr. 538/2023 í Skipulagsgátt.
Eftirfarandi tillaga liggur fyrir fundinum: Umhverfis- og framkvæmdaráð gerir ekki athugasemdir við Aðalskipulag Norðurþings.
Tillagan er borin upp til samþykktar. Samþykkt samhljóða.
Umsagnarbeiðni - Vindorkuver á Brekknaheiði og Sauðaneshálsi, nr. 0001/2026 í Skipulagsgátt – Kynning matsáætlunar (Mat á umhverfisáætlunum)
Fyrir liggur umsagnarbeiðni – Vindorkuver á Brekknaheiði og Sauðaneshálsi, nr. 0001/2026 í Skipulagsgátt – Kynning matsáætlunar (mat á umhverfisáhrifum) Þá sýndi sveitarstjóri afstöðumynd af verkefninu sem nýlega birtist í fjölmiðlum.
Eftirfarandi tillaga liggur fyrir fundinum: Umhverfis- og framkvæmdaráð gerir ekki athugasemdir við kynnta matsáætlun vegna umhverfismats.
Tillagan er borin upp til samþykktar. Samþykkt samhljóða.
Minnisblað um varmadælur og húshitun – vísað frá hreppsráði til umsagnar
Fyrir liggur minnisblað frá Verkefnastjóra hjá Austurbrú, í framhaldi af mjög vel sóttum kynningarfundi um málið, sem haldinn var í félagsheimilinu Miklagarði fimmtudaginn 4. desember 2025.
Eftirfarandi tillaga liggur fyrir fundinum: Umhverfis- og framkvæmdaráð fagnar því að málið hafi verið kynnt með slíkum hætti að hvetur sveitarstjórn að fylgja því eftir og leyta leiða til þess að aðstoða þá sem hafa áhuga á varmadælum.
Tillagan borin upp til samþykktar. Samþykkt samhljóða.

Umhverfis- og framkvæmdaráð

Fundur nr. 34

14. janúar 2026

Mætt til fundar

1. Erindi#1-erindi