Umhverfis- og fram­kvæmdaráð

​Grenndarkynningu umsóknarinnar er lokið og fyrir liggja umsagnir frá Slökkviliði Múlaþings, Fiskistofu, Náttúrufræðistofnun og Minjastofnun Íslands. Einnig eru athugasemdir frá Hauki Geir Garðarssyni, Vakurstöðum 1. Þá liggur fyrir bréf frá Sveini Margeirssyni þar sem kemur fram hvernig brugðist verði við athugasemdum frá Náttúrufræðistofnun og Hauki Geir. Í umsögn Minjastofnunar kemur fram að skráningu minja teljist ekki lokið fyrr en hún hefur hlotið staðfestingu Minjastofnunnar. 

Eftirfarandi tillaga liggur fyrir fundinum: Umhverfis- og framkvæmdaráð Vopnafjarðarhrepps fór yfir umsagnir og athugasemdir sem borist hafa ásamt bréfi Sveins fyrir hönd Brims og telur að með þeim aðgerðum sem þar eru boðaðar, sé komið til móts við þær athugasemdir sem fram hafa komið frá Hauki Geir, Minjastofnun og Fiskistofu. Ráðið telur æskilegt að skilað sé grunnástandsgögnum á fyrirhuguðu ræktarsvæði fyrir 1. október n.k. Þá telur ráðið æskilegt að lækka hlutfall stafafuru, við plöntun verði gætt varúðar á varpsvæði fugla til 15. Júlí og að svæðið sé vaktað árlega. Umhverfis- og framkvæmdaráð samþykkir að heimila skipulags- og byggingafulltrúa að gefa út framkvæmdaleyfi þegar að jákvæð umsögn Minjastofnunar er staðfest.