Fundur nr. 56
Kjörtímabilið 2018—2022
Mætt til fundar
- BHS
Björn Heiðar Sigurbjörnsson
Nefndarmaður - AÖS
Axel Örn Sveinbjörnsson
Nefndarmaður - ÞBWÁ
Þuríður Björg Wiium Árnadóttir
Nefndarmaður - BA
Bjartur Aðalbjörnsson
Nefndarmaður - TH
Teitur Helgason
Nefndarmaður - BS
Berglind Steindórsdóttir
Nefndarmaður - SHH
Sigurjón H. Hauksson
Nefndarmaður - SES
Sara Elísabet Svansdóttir
Sveitarstjóri
Fundur haldinn í sveitarstjórn Vopnafjarðarhrepps 21.10.2021 í Miklagarði kl. 14:00.
1. Fundargerðir#1-fundargerdir
- Hafnarnefnd 12.10
Lagt fram til kynningar.
- Hreppsráð 14.10
Lagt fram til kynningar.
- Skipulags- og umhverfisnefnd 19.10
a.Yrki arkitektar – samantekt eftir íbúafundina september 2021Lagt fram til kynningar samantekt eftir íbúafundina um skipulagsmál sem haldnir voru í Miklagarði 8. og 9.september síðastliðinn. Sveitarstjórn samþykkir að nýta umhverfismat aðalskipulagsins til að skoða ólíka valkosti sem íbúar eru ekki sammála um, t.d. staðsetningu tjaldsvæðis, sundlaugar og fleira til að útbúa sterkari grunn til ákvarðanatöku. Einnig samþykkir sveitarstjórn að hefja vinnu við drög að nýju aðalskipulagi. Samþykkt samhljóða.b.Endurheimt votlendis, uppgræðsla á Hofi í VopnafirðiFyrir liggur erindi frá Þjóðkirkjunni um endurheimt votlendis í landi Hofs. Sveitarstjórn telur að fyrirhuguð framkvæmd sé í samræmi við aðalskipulag þar sem hún er á landbúnaðarsvæði í gildandi aðalskipulagi og heimilar skipulagsfulltrúa að gefa út leyfi fyrir framkvæmdinni. Samþykkt samhljóða.c.Endurheimt votlendis í VatnsdalsgerðiFyrir liggur erindi frá Landgræðslunni um endurheimt votlendis í Vatnsdalsgerði. Sveitarstjórn telur að fyrirhuguð framkvæmd sé í samræmi við aðalskipulag þar sem hún er á landbúnaðarsvæði í gildandi aðalskipulagi og heimilar skipulagsfulltrúa að gefa út leyfi fyrir framkvæmdinni. Samþykkt samhljóða.Að öðru leyti er fundargerðin lögð fram til kynningar.
2. Almenn mál#2-almenn-mal
- Húsnæðissjálfseignarstofnun á landsbyggðinni
Lagt fram minnisblað HMS, ásamt skýrslu HMS og viljayfirlýsingu um samstarf um uppbyggingu íbúðarhúsnæðis á landsbyggðinni þar sem óskað er eftir því að sveitarstjórnir á landsbyggðinni taki fyrir lok október afstöðu til hugmyndar um að setja á fót húsnæðissjálfseignarstofnun á þeim grundvelli sem lýst er í minnisblaðinu. Sveitarstjórn Vopnafjarðarhrepps tekur jákvætt í hugmyndina um að setja á fót húsnæðissjálfseignarstofnun. Samþykkt samhljóða.
- Æskulýðs- og íþróttanefnd – úrsögn úr nefnd
Fyrir liggur úrsögn úr Æskulýðs- og íþróttanefnd frá Súsönnu Rafnsdóttur vegna flutninga. Sveitarstjórn samþykkir úrsögnina og þakkar Súsönnu fyrir störf sín í þágu sveitarfélagsins. Varamaður tekur sæti hennar í nefndinni þar til nýr aðalamaður hefur verið skipaður. Samþykkt samhljóða.
- Fundarboð aðalfundar Heilbrigðiseftirlits Austurlands bs. 2021
Lagt fram fundarboð á aðalfund Heilbrigðiseftirlits Austurlands sem haldinn verður á Höfn í Hornafirði 3.nóvember næstkomandi. Sveitarstjórn tilnefnir Söru Elísabetu Svansdóttur, sveitarstjóra sem fulltrúa Vopnafjarðarhrepps á fundinn. Samþykkt samhljóða.
- Svæðisskipulag Austurlands – minnisblað 28.9
Lagt fram til kynningar.
- Bréf til Læknadeildar HÍ
Lagt fram til kynningar.
- Viðauki 3 við fjárhagsáætlun 2021
Viðauki 3 við fjárhagsáætlun 2021 lagður fram. Viðauki 1-3: Breyting á rekstri er jákvæð um 15,2 m.kr. þar af er reiknaður söluhagnaður 23,2 m.kr. Nettó fjárfesting lækkar um 11,4 m. kr. Söluverð eigna er 30,0 m.kr. og uppgreiðsla lána 13,3 m.kr. samtals breyting á handbæru fé vegna viðauka 1-3 er því jákvæð um 20,0 m.kr.
Samþykkt samhljóða.
3. Bréf til sveitarstjórnar#3-bref-til-sveitarstjornar
- Bréf frá Sambandi íslenskra sveitarfélaga - Þátttaka og framlög til stafræns samstarfs sveitarfélaga 2022
Lagt fram bréf frá Sambandi íslenskra sveitarfélaga um þátttöku og framlög til stafræns samstarfs sveitarfélaga 2022. Sveitarstjórn samþykkir hlut Vopnafjarðarhrepps og vísar til fjárhagsáætlanargerðar 2022.
4. Skýrsla sveitarstjóra#4-skrsla-sveitarstjora
- Skýrsla sveitarstjóra
Sveitarstjóri fór yfir verkefnin sín og svaraði spurningum sveitarstjórnar.
Fleira var ekki tekið fyrir og fundi slitið kl. 14:51.