Fundur nr. 35
Kjörtímabilið 2018—2022
Mætt til fundar
1. Almenn mál#1-almenn-mal
- Stefnumörkun lögreglunnar á Austurlandi – samtal við Kristján Ólaf Guðnason yfirlögregluþjón lögreglunnar á Austurlandi.
Hjalti Axelsson aðalvarðstjóri á Egilsstöðum, Kristján Ólafur Guðnason yfirlögregluþjónn og Hjörtur Davíðsson og Arnar Ingólfsson lögreglumenn á Vopnafirði mættu á fund sveitarstjórnar. Lögð voru fram drög að stefnumörkun lögreglunnar á Austurlandi og spurningum sveitarstjórnar svarað. Töluverð umræða fór fram um stefnuna og störf lögreglunnar á Austurlandi og Vopnafirði. Sveitarstjórn lýsir yfir ánægju sinni með framlögð drög og þakkar gestum fyrir heimsóknina.
2. Almenn mál#2-almenn-mal
- Heimasíða og upplýsingastefna sveitarfélagsins.
Ákveðið að ráðast í gerð nýrrar heimasíðu, heildarmörkun og upplýsingastefnu fyrir sveitarfélagið í samstarfi við hönnunarfyrirtækið Kólófón og Greip Gíslason á forsendum þeirra gagna og áætlana sem lagðar hafa verið fram. Samþykkt samhljóða.
Fleira var ekki tekið fyrir, fundargerð lesin og borin upp til samþykktar, hún samhljóða samþykkt og fundi slitið kl.17:08.