Sveitarstjórn

1. Erindi#1-erindi

Umsókn til Lánasjóðs sveitarfélaga
Fyrir fundinum liggur tillaga frá starfandi fjármálastjóra um að sveitarfélagið taki lán hjá Lánasjóði sveitarfélaga vegna endurfjármögnunar lána hjá sveitarfélaginu og fjárfestinga ársins 2025.

Til máls tók sveitarstjóri.
Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkir að taka lán hjá Lánasjóði sveitarfélaga að fjárhæð kr. 60.000.000- með lokagjalddaga þann 20. febrúar 2039. Til tryggingar láninu (höfuðstól, auk vaxta, dráttarvaxta og kostnaðar) standa tekjur sveitarfélagsins, sbr., heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.

Er lánið tekið til að endurfjármagna afborganir sveitarfélagsins og Vopnafjarðarhafnar ásamt fjárfestingum á árinu 2025, sem felur í sér að vera verkefni sem hefur almenna efnahagslega þýðingu, sbr.
3. gr. laga um stofnun opinbers hlutafélags um Lánasjóð sveitarfélaga nr. 150/2006.

Jafnframt er Valdimari O. Hermannssyni, kt: 110660-3599, sveitarstjóra, veitt fullt og ótakmarkað umboð til þess f.h. Vopnafjarðarhrepps að undirrita lánasamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari. Til máls tók BHS og sveitarstjóri.

Tillagan er borin upp til samþykktar. Samþykkt samhljóða.
Reglur um snjómokstur
Fyrir liggja reglur um snjómokstur í sveitarfélaginu til samþykktar.

Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkir fyrirliggjandi snjómokstursreglur og felur verkefnastjóra stjórnsýslu að birta reglurnar á heimasíðu hreppsins.
Til máls tók BA, sveitarstjóri, AÓS, BA, BHS, BA, HBÓ, sveitarstjóri, SGS, BA, AÓS, BHS og SGS.

Tillagan er borin upp til samþykktar. Samþykkt samhljóða.
Framkvæmdir við Vopnafjarðarhöfn
Bjartur Aðalbjörnsson hefur óskað eftir að málið verði á dagskrá og leggur fram eftirfarandi tillögu:
Sveitarstjóra er falið að óska eftir viðræðum við Hagtak ehf. og Vegagerðina um endurskoðun á samningi um hafnarframkvæmdir.

Til máls tók BA.
Vopnafjarðarlistinn leggur fram eftirfarandi bókun: Upphaf áætlanna um lengingu hafnarkants má rekja 4 ár aftur í tímann þegar forsvarsmenn Brims hf. kynntu fyrir hreppsnefnd, fyrirætlanir fyrirtækisins um byggingu nýrrar uppsjávarvinnslu á Vopnafirði.
Miðað við stærð vinnslunnar var ljóst að þörf væri á lengingu á hafnarkanti löndunarbryggju og nýjum lóðum við kantinn fyrir vinnsluna sjálfa.

Undir eins var hafin vinna við þann undirbúning sem sneri að sveitarfélaginu enda samhljómur innan hreppsnefndar um mikilvægi verksins.

Með innrás Rússa inn í Úkraínu árið 2022 hækkar heimsmarkaðsverð á ýmsum aðföngum og í framhaldi berast fregnir frá forsvarsmönnum Brims um mögulega frestun eða breytingar á fyrri áætlunum.

Árið 2024 fór verkið í útboð hjá Vegagerðinni og í júlí sama ár skrifar sveitarstjóri undir verksamning við Vegagerðina og Hagtak ehf. án aðkomu sveitarstjórnar. Það er ljóst að kostnaður sveitarfélagsins við verkið er áætlaður tæpar 400 milljónir.

Þær forsendur sem lágu fyrir þegar hafist var handa við undirbúning verksins, fyrir fjórum árum síðan, eru brostnar. Í september 2024 tilkynnti Brim hf. Vopnafjarðarhreppi að ákvörðun um nýja uppsjávarvinnslu væri frestað um 3 ár og eru þar nefndar ástæður eins og óvissa í efnahagsástandi, aðrar aðkallandi fjárfestingar eins og viðhald flotans, loðnubrestur á ári 2024 og óvissa um loðnuvertíð 2025.

Loðnuveiði árið 2025 var gott sem engin og hefur útgerðin gefið það út að fyrirhuguð breyting veiðigjalda muni hafa áhrif á fjárfestingar útgerðarfyrirtækja.

Að þessu sögðu telja fulltrúar Vopnafjarðarlistans ástæðu til að skoða möguleikann á að endurskoða verksamning við Hagtak ehf. og Vegagerðina og nýta fjármuni sveitarfélagsins frekar í aðkallandi endurbætur og uppbyggingu annarra innviða — innviða sem Vopnfirðingar njóta svo sannarlega góðs af. Þar má nefna viðhald gatna, gerð göntustíga og gangstétta, viðhald fasteigna
sveitarfélagsins, uppbygingu miðbæjarins, endurbætur skólalóðar, endurbætur á sundlaug, jarðhitaleit og síðast en ekki síst; gríðarlega mikilvæga uppbyggingu og endurbætur á leiguhúsnæði fyrir aldraða.

Því leggur Vopnafjarðarlistinn fram eftirfarandi tillögu:

Sveitarstjóra er falið að óska eftir viðræðum við Hagtak ehf. og Vegagerðina um endurskoðun á samningi um hafnarframkvæmdir.

Til máls tók sveitarstjóri, AÖS, BA, sveitarstjóri og SGS.

Sigurður Grétar Sigurðsson óskar eftir 10 mínútna fundarhléi.
Borið upp til samþykktar. Samþykkt samhljóða.

Fundur hefst aftur 15:09.
Til máls tók BHS, AÖS, sveitarstjóri og AÓS.

Eftifarandi tillaga liggur fyrir fundinum: Sveitarstjóra er falið að óska eftir viðræðum við Hagtak ehf. og Vegagerðina um endurskoðun á samningi um hafnarframkvæmdir.

Tillagan er borin upp til samþykktar. Tillagan er felld með 4 atkvæðum. BA, BHS og HBÓ kjósa með. AÖS, AÓS, BA, SGS kjósa gegn tillögunni.

Framsókn og óháðir leggja fram eftirfarandi bókun: Fulltrúar Framsóknar og óháðra leggja áherslu á mikilvægi þess að haldið verði áfram með áætlaðar hafnarframkvæmdir á Vopnafirði. Um er að ræða verkefni sem hefur þegar verið undirbúið og samþykkt í fjárhagsáætlun, þar sem sveitarfélagið tekur þátt með 40% kostnaðarhlut á móti ríkinu í gegnum samgönguáætlun – hlutur sveitarfélagsins nemur rúmum 300 milljónum króna miðað við núverandi áætlun. Ekki er sjálfgefið að slíkur stuðningur ríkisins standi til boða aftur verði hætt við framkvæmdina.
Framkvæmdum við höfnina hefur verið frestað til 2026 vegna loðnubrests, en þær eru í samræmi við stefnu sveitarfélagsins um eflingu innviða og atvinnulífs á svæðinu. Jafnframt liggur fyrir að
fjármögnun sveitarfélagsins vegna framkvæmdarinnar hafi ekki veruleg áhrif á annarri uppbyggingu innviða í sveitarfélaginu.
Framsókn og óháðir telja það ekki réttlætanlegt að hætta alfarið við framkvæmdina, líkt og gefið hefur verið í skyn af hálfu minnihluta sveitarstjórnar. Slík ákvörðun myndi hafa neikvæð áhrif á framtíðarsýn og þróun hafnarsvæðisins og möguleika á fjölbreyttari atvinnusköpun í sveitarfélaginu. Við leggjum því ríka áherslu á að áfram verði staðið við fyrri ákvarðanir um verkefnið og tryggt að hafnarframkvæmdir á Vopnafirði fari fram þegar aðstæður leyfa.
Tillaga um starfshóp: Leiguíbúðir aldraðra
Fram hefur komið tillaga um skipun starfshóps fyrir leiguíbúðir aldraðra í Sundabúð.
Til máls tók BA, AÖS.

Aðalbjörg óskar eftir að fá að víkja af fundi.
Borið upp til samþykktar. Samþykkt samhljóða.

Jenný Heiða Hallgrímsdóttir mætir í hennar stað.
Til máls tóku BA, BHS, AÖS, BA og BHS.

Eftirfarandi tillaga liggur fyrir fundinum: Sveitarstjórn Vopnafjarðarhrepps vísar málinu til umsagnar í fjölskylduráði.

Tillagan er borin upp til samþykktar. Samþykkt samhljóða.
Pósturinn: Tilkynning um lokun á Vopnafirði
Pósturinn hefur boðað lokun samstarfspóshúss á Vopnafirði frá og með 30. apríl. Sveitarstjórn Vopnafjarðarhrepps lýsir yfir miklum vonbrigðum með ákvörðun Póstsins um að hætta með samstarfspósthús á Vopnafirði. Þessi ákvörðun mun hafa veruleg áhrif á þjónustu við íbúa svæðisins og er með öllu óásættanleg. Sveitarstjórn krefst þess að Pósturinn endurskoði ákvörðun sína og tryggi að íbúar fái áfram fullnægjandi og aðgengilega póstþjónustu.
Sveitarstjórn lýsir jafnframt áhyggjum sínum af því að nýtt fyrirkomulag póstþjónustunnar muni leiða til verðhækkana á þeirri þjónustu sem íbúar þurfa að nýta sér, sem skerðir aðgengi að grunnþjónustu og bitnar sérstaklega á þeim sem búa í fámennari byggðum. Það er brýnt að jafnræði sé haft að leiðarljósi í allri þjónustu við íbúa landsins, óháð búsetu.

Sveitarstjórn ítrekar mikilvægi þess að Pósturinn vinni að raunhæfum lausnum sem tryggja áframhaldandi þjónustu við íbúa Vopnafjarðar og leggur til að haldinn verði opinn íbúafundur á Vopnafirði þar sem breytingarnar verða kynntar og íbúum gefst kostur á að koma á framfæri sjónarmiðum sínum. Sveitarstjóra er falið að vera í sambandi við Póstinn.

Til máls tók sveitarstjóri, BHS, sveitarstjóri og BHS.
Samningur við ISAVIA um rekstur og mönnun slökkvibifreiðar
Fyrir liggja drög að samningi við ISAVIA um þjónustu við flugvöllinn.

Eftirfarandi tillaga liggur fyrir fundinum: Sveitarstjórn Vopnafjarðarhrepps felur sveitarstjóra að klára samning við ISAVIA og leggja fyrir sveitarstjórn og bendir á mikilvægi þess að gengið verði frá samningi sem allra fyrst.

Til máls tók sveitarstjóri, BA, BHS og sveitarstjóri.
Tillagan er borin upp til samþykktar. Samþykkt samhljóða.
Frístundareglur Vopnafjarðarhrepps, til samþykktar
Fyrir liggja frístundareglur Vopnafjarðarhrepps til samþykktar.

Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkir fyrirliggjandi frístundarreglur og felur verkefnastjóra stjórnsýslu að birta reglurnar á heimasíðu hreppsins.

Tillagan er borin upp til samþykktar. Samþykkt samhljóða.
Drög að leigusamningi við HSA vegna Sundabúðar
Lagt fram til kynningar.

Eftirfarandi tillaga liggur fyrir fundinum: Lagt fram til kynningar.

Eftirfarandi tillaga liggur fyrir fundinum: Sveitarstjórn Vopnafjarðarhrepps felur sveitarstjóra að klára samninginn og leggja fyrir sveitarstjórn. Einnig telur sveitarstjórn brýnt að semja sérstaklega um leigu frá því að HSA tók yfir rekstur á hjúkrunarheimilinu Sundabúð, 1. júní 2024. Til máls tók sveitarstjóri, BA, sveitarstjóri, BA.

Tillagan er borin upp til samþykktar. Samþykkt samhljóða.

Til máls tók sveitarstjóri, BA, sveitarstjóri, BA.
Tillagan er borin upp til samþykktar. Samþykkt samhljóða.
Aðalfundur SSA 2025
Aðalfundur SSA/Austurbrúar verður haldinn 9. maí n.k. á Eiðum. Lagt fram til kynningar.
Umsögn um veitingarleyfi – Aldan söluskáli
Sýslumaður austurlands óskar eftir umsögn sveitarstjórnar með vísan til 4. mgr. 10. gr. laga nr 85/2007 fyrir rekstrar- og veitingarleyfi Öldunnar söluskála.

Eftirfarandi tillaga liggur fyrir: Sveitarstjórn Vopnafjarðarhrepps gerir ekki athugasemdir við veitingu á rekstar- og veitingarleyfi fyrir Ölduna á Kolbeinsgötu 35 á Vopnafirði.

Til máls tók BHS, BM og AÖS.
Tillagan er borin upp til samþykktar. Samþykkt samhljóða.
Skýrsla sveitarstjóra
Sveitarstjóri fór yfir helstu mál sveitarfélagsins og svaraði spurningum.
Til máls tók BA, sveitarstjóri, AÖS, BM og BA.
Menningar- og atvinnumálanefnd 220425
Lið er frestað þar sem fundargerð liggur ekki fyrir.

2. Fundargerðir til staðfestingar#2-fundargerdir-til-stadfestingar

Hreppsráð nr. 38 030425
Lagt fram til staðfestingar..
Hreppsráð nr. 39 090425
Lagt fram til staðfestingar.
Umhverfis- og framkvæmdaráð nr. 26 220425
Lið er frestað þar sem fundargerð liggur ekki fyrir.
Fjölskylduráð nr. 32 080425
Lagt fram til staðfestingar.

Til máls tóku BA, BM og BA undir lið e.
Samband íslenskra sveitarfélaga nr. 973
Lagt fram til staðfestingar.
Samband íslenskra sveitarfélaga nr. 974
Lagt fram til staðfestingar.
Samband íslenskra sveitarfélaga nr. 975
Lagt fram til staðfestingar
Samband íslenskra sveitarfélaga nr. 976
Lagt fram til staðfestingar.
Samtök sjávarútvegssveitarfélaga nr. 85
Lagt fram til staðfestingar.
Samtök sjávarútvegssveitarfélaga nr. 86
Lagt fram til staðfestingar.
Samtök sjávarútvegssveitarfélaga nr. 87
Lagt fram til staðfestingar.
Samtök sveitarfélaga á köldum svæðum nr. 80
Lagt fram til staðfestingar.
Hafnarsamband Íslands nr. 470
Lagt fram til staðfestingar.
Hafnarsamband Íslands nr. 471
Lagt fram til staðfestingar.
HAUST nr. 184 100425
Lagt fram til staðfestingar.
Stjórnarfundur Austurbrúar nr. 159 180325
Lagt fram til staðfestingar.
SSA nr. 10 180325
Lagt fram til staðfestingar.

Sveitarstjórn

Fundur nr. 41

23. apríl 2025

Mætt til fundar

1. Erindi#1-erindi

2. Fundargerðir til staðfestingar#2-fundargerdir-til-stadfestingar