Sveitarstjórn

1. Erindi#1-erindi

Lónabraut 4
Fyrir liggur minnisblað frá sveitarstjóra varðandi hugmynd um kaup Vopnafjarðarhrepps á Lónabraut 4, húsnæðishluta Afls starfsgreinafélags.
Eftirfarandi tillaga liggur fyrir fundinum: Sveitarstjórn Vopnafjarðarhrepps veitir sveitarstjóra fullt umboð til að ganga til samningaviðræðna við Afl starfsgreinafélag um kaup á fasteigninni og í framhaldi af því að leggja samning til staðfestingar fyrir sveitarstjórn.

Til máls tóku Valdimar O. Hermannsson, Axel Örn Sveinbjörnsson og Björn Heiðar Sigurbjörnsson.

Tillagan er borin upp til samþykktar. Samþykkt samhljóða.
Viðhald á flotbryggjum
Fyrir liggur að skipta þarf um keðjur og lása í tveimur flotbryggjum af þremur í Vopnafjarðarhöfn, samkvæmt úttekt frá Köfunarþjónustunni.
Fyrir fundinum liggur eftirfarandi tillaga: Sveitarstjórn Vopnafjarðarhepps felur sveitarstjóra að ganga til samninga við Köfunarþjónustuna á grundvelli fyrirliggjandi tilboðs og undirbúa viðauka fyrir framkvæmdinni.

Til máls tóku Valdimar O. Hermannsson, Kristrún Ósk Pálsdóttir og Axel Örn Sveinbjörnsson.

Tillagan er borin upp til samþykktar. Samþykkt samhljóða.
Byggðakvóti – afnám vinnsluskyldu
Fyrir liggur minnisblað sveitarstjóra varðandi afnám á vinnusluskyldu byggðakvóta.
Fyrir fundinum liggur eftirfarandi tillaga: Sveitarstjórn Vopnafjarðarhepps felur sveitarstjóra að óska eftir því formlega við Matvælaráðuneytið að vinnsluskylda byggðakvóta í Vopnafjarðarhreppi fiskveiðiárið 2023/2024 verði afnumin á grundvelli fyrirliggjandi samskipta hans við ráðuneytið.

Til máls tóku Valdimar O. Hermannsson, Bjartur Aðalbjörnsson, Axel Örn Sveinbjörnsson og Kristrún Ósk Pálsdóttir.

Tillagan er borin upp til samþykktar. Samþykkt samhljóða.
Héraðsskjalasafn Austfirðinga – ósk um viðbótarframlag
Fyrir fundinum liggur beiðni frá Héraðsskjalasafni Austfirðinga um viðbótarframlag frá sveitarfélögum á Austurlandi.
Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkir að veita Héraðsskjalasafni viðbótarfjárframlag að upphæð 400.000 kr. og felur sveitarstjóra að undirbúa viðauka í samræmi við það.

Til máls tóku Axel Örn Sveinbjörnsson, Bjartur Aðalbjörnsson og Valdimar O. Hermannsson.

Tillagan er borin upp til samþykktar. Samþykkt samhljóða.
Kvennasöguskilti á Austurlandi – bréf frá Sambandi Austfirskra kvenna
Fyrir fundinum liggur bréf frá Sambandi austfirskra kvenna þar sem óskað er eftir menningarlegu samstarfi við Vopnafjarðarhrepp varðandi uppsetningu á fræðsluskiltum um sögu kvenna í sveitarfélaginu.
Eftirfarandi tillaga liggur fyrir fundinum: Sveitarstjórn Vopnafjarðarhrepps vísar erindinu til afgreiðslu í Menningar- og atvinnumálanefnd Vopnafjarðarhrepps.

Tillagan er borin upp til samþykktar. Samþykkt samhljóða.
Gjaldfrjálsar skólamáltíðir
Fyrir fundinum liggur minnisblað frá Sambandi íslenskra sveitarfélaga varðandi gjaldfrjálsar máltíðir grunnskólabarna.
Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkir að bjóða upp á gjaldfrjálsar skólamáltíðir með vísan til nýgerðra kjarasamninga og samkvæmt nánari útfærslu Sambands íslenskra sveitarfélaga.

Til máls tóku Valdimar O. Hermannsson, Bobana Micanovic, Aðalbjörg Ósk Sigmundsdóttir og Bjartur Aðalbjörnsson

Tillagan er borin upp til samþykktar. Samþykkt samhljóða.
Erindi frá umhverfis- og framkvæmdaráði: Framkvæmdaleyfi fyrir landbótum á jörðum í Selárdal
Mál nr. 792-2024 í Skipulagsgátt.
Í lið c. í fundargerð umhverfis- og framkvæmdaráðs var eftirfarandi tillaga bókuð: Umhverfis og framkvæmdaráð samþykkir að leggja til við sveitarstjórn að hún heimili útgáfu framkvæmdaleyfisins að teknu tilliti til fyrirliggjandi umsagna og þegar fullnægjandi gögn hafa borist.

Eftirfarandi tillaga liggur fyrir fundinum: Sveitarstjórn Vopnafjarðarhrepps heimilar útgáfu framkvæmdaleyfis að teknu tilliti til fyrirliggjandi umsagna og þegar fullnægjandi gögn hafa borist.

Til máls tók Bjartur Aðalbjörnsson og Valdimar O. Hermannsson.

Tillagan er borin upp til samþykktar. Samþykkt með 4 atkvæðum. Björn Heiðar Sigurbjörnsson, Kristrún Ósk Pálsdóttir og Bjartur Aðalbjörnsson sitja hjá.

Björn Heiðar, Bjartur og Kristrún gerðu grein fyrir hjásetu sinni vegna skorts á gögnum fyrir fundinn og ekki möguleiki á að setja sig inn í málið í tæka tíð.
Erindi frá umhverfis- og framkvæmdaráði: Ósk um stækkun á lóð við Hamrahlíð 16
Í lið d. í fundargerð umhverfis- og framkvæmdaráðs var eftirfarandi tillaga bókuð: Umhverfis- og framkvæmdaráð gerir ekki athugasemd við stækkun lóðarinnar og vísar erindinu til sveitarstjórnar.
Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkir stækkun lóðar við Hamrahlíð 16.
Til máls tók Bjartur Aðalbjörnsson, Valdimar O. Hermannsson og Björn Heiðar Sigurbjörnsson.

Tillagan er borin upp til samþykktar. Samþykkt samhljóða.
Erindi frá umhverfis- og framkvæmdaráði: Breyting á lóð við Búðaröxl 9
Í lið e. í fundargerð umhverfis- og framkvæmdaráðs var eftirfarandi tillaga bókuð: Umhverfis- og framkvæmdaráð samþykkir breytingu á lóðinni og vísar úthlutun til sveitarstjórnar.
Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkir breytingar á lóð við Búðaröxl 9 og vísar úthlutun á henni til hreppsráðs Vopnafjarðarhrepps.

Til máls tók Valdimar O. Hermannsson, Bjartur Aðalbjörnsson, Björn Heiðar Sigurbjörnsson, Kristrún Ósk Pálsdóttir og Axel Örn Sveinbjörnsson.

Tillagan er borin upp til samþykktar. Samþykkt samhljóða.
Forkaupsréttur Vopnafjarðarhrepps að fasteigninni Lónabraut 23, F 217-1990
Vopnafjarðarhreppur hefur þinglýstan forkaupsrétt á Lónabraut 23, fasteignanúmer F217-1990.
Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkkir að falla frá forkaupsrétti sínum að fasteigninni Lónabraut 23, F 217-1990, og felur skipulags- og byggingarfulltrúa að gefa út nýjan lóðaleigusamning án kvaða um forkaupsrétt.

Til máls tók Valdimar O. Hermannsson.

Tillagan er borin upp til samþykktar. Samþykkt samhljóða.
Skýrsla sveitarstjóra
Sveitarstjóri fór yfir verkefni sveitarfélagsins og svaraði spurningum.
Til máls tók Bjartur Aðalbjörnsson, Björn Heiðar Sigurbjönsson og Valdimar O. Hermannsson.

2. Fundargerðir til staðfestingar#2-fundargerdir-til-stadfestingar

Hreppsráð fundur nr. 29 040724
Lagt fram til kynningar.
Til máls tók Valdimar O. Hermannsson undir lið a.
Fjölskylduráð fundur nr. 27 130824
Lagt fram til kynningar.
Umhverfis- og framkvæmdaráð fundur nr. 19 210824
Lagt fram til kynningar.
Til máls tók Kristrún Ósk Pálsdóttir.

Sveitarstjórn

Fundur nr. 33

22. ágúst 2024

Mætt til fundar

1. Erindi#1-erindi

2. Fundargerðir til staðfestingar#2-fundargerdir-til-stadfestingar