Sveitarstjórn

1. Erindi#1-erindi

Fjárhagsáætlun 2024 2027 fyrri umræða
Sveitarstjóri mælti fyrir fjárhagsáætlun.
Lögð fram til fyrri umræðu tillaga að fjárhagsáætlun Vopnafjarðarhrepps fyrir árið 2024 ásamt
þriggja ára fjárhagsáætlun fyrir árin 2025 til 2027.

Til máls tóku: Sara Elísabet Svansdóttir og Baldur Kjartansson.

Eftirfarandi tillaga liggur fyrir fundinum: Sveitarstjórn vísar fjárhagsáætlun Vopnafjarðarhrepps fyrir árið 2024 og 3ja ára áætlun fyrir árin 2025 til 2027 til síðari umræðu í sveitarstjórn.

Til máls tóku: Bjartur Aðalbjörnsson, Sara Elísabet Svansdóttir , Baldur Kjartansson og Axel Örn Sveinbjörnsson.

Samþykkt samhljóða.
Erindi frá hreppsráði: Viðauki 2 við fjárhagsáætlun 2023
Fram lagður viðauki 2 við fjárhagsáætlun 2023.
Ekki er um að ræða breytingu á afkomu A eða AB hluta né sjóðstreymiáhrif þar sem áhrif viðaukans er innan aðalsjóðs.

Viðauki 2 er til kostnaðarauka menningarmála um 1Mkr en á móti er kostnaðarlækkun í umhverfismálum um sömu upphæð, en viðaukinn er vegna gjafar Vopnafjarðarhrepps til Vopnafjarðarkirkju.

Eftirfarandi tillaga liggur fyrir fundinum: Sveitarstjórn samþykkir fyrirliggjandi viðauka við fjárhagsáætlun Vopnafjarðarhrepps 2023.

Samþykkt samhljóða.
Snjómokstur í Vopnafjarðarhreppi
Lagt fram tilboð í snjómokstur í Vopnafjarðarhreppi frá Lækjarmótum, kt. 460319-1960 Eitt tilboð barst í snjómoksturinn.

Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkir að samið verði við Lækjarmót ehf, kt. 460319-1960 um snjómokstur í Vopnafjarðarhreppi í samræmi við tilboðið og felur sveitarstjóra að afgreiða erindið.

Til máls tóku: Bjartur Aðalbjörnsson, Sara Elísabet Svansdóttir, Björn Heiðar Sigurbjörnsson og Axel Örn Sveinbjörnsson.

Axel Örn Sveinbjörnsson óskar eftir fundarhlé kl. 14:01. Samþykkt samhljóða. Fundur settur á ný 14:09.

Samþykkt samhljóða.
Vetrartæki í áhaldahúsi Vopnafjarðarhrepps - minnisblað 091123
Lagt fram minnisblað frá forstöðumanni áhaldahúss varðandi tækjakaup í áhaldahúsi.
Eftirfarandi tillaga liggur fyrir fundinum: Sveitarstjórn samþykkir kaup á tækjabúnaði í áhaldahúsi og felur sveitarstjóra að stilla upp viðauka.

Til máls tóku: Björn Heiðar Sigurbjörnsson, Axel Örn Sveinbjörnsson og Bjartur Aðalbjörnsson.

Samþykkt samhljóða.
Bréf frá Eftirlitsnefnd með fjármálum sveitarfélaga
Framlagt til kynningar bréf frá Eftirlitsnefnd með fjármálum sveitarfélaga.
Samkomulag um skipan svæðisskipulagsnefndar
Framlagt samkomulag um skipan svæðisskipulagsnefndar Austurlands sem byggir á því að fulltrúar í stjórn Sambands sveitarfélaga á Austurlandi skipa svæðisskipulagsnefnd.
Eftirfarandi tillaga liggur fyrir fundinum: Sveitarstjórn Vopnafjarðarhrepps samþykkir tillögu að skipan svæðisskipulagsnefndar Austurlands.

Samþykkt samhljóða.
Erindi frá Þórdísi Þórarinsdóttur Staða landbúnaðar í Vopnafjarðarhreppi
Lagt fram bréf frá Þórdísi Þórarinsdóttur varðandi stöðu landbúnaðar í Vopnafjarðarhreppi.
Eftirfarandi tillaga liggur fyrir fundinum: Sveitarstjórn Vopnafjarðarhrepps lýsir yfir þungum áhyggjum af þeirri stöðu sem upp er komin í landbúnaði. Lækkun á afurðaverði, kostnaðarhækkanir, hækkun vaxta á liðnum árum, erfiðar aðstæður til nýliðunar, takmarkað aðgengi að lánsfé á hagstæðum vöxtum ti l fjárfestinga og fjöldi annarra samverkandi þátta hefur sett framtíð atvinnugreinarinnar í algert uppnám. Forsendur til rekstrar eru því brostnar, nauðsynleg nýliðun viðvarandi vandamál og tækifæri til fjárfesti nga lítil sem engin sem hamlar um leið allri nýsköpun í greininni.

Eins og fram kemur í Svæðisskipulagi Austurlands er landbúnaður mikilvæg grunnstoð í atvinnulífi Austurlands, eins og víðar um land, og því mikilvægt að umgjörð atvinnugreinarinnar verði styrkt. Sveitarstjórn telur mikilvægt að horft sé til þess að ná fram hækkuðu afurðaverði, tryggja greiðan aðgang að þolinmóðu lánsfé til fjárfestinga og auk þess að útfæra lán í anda hlutdeildarlána til að fá aukinn kraft í nýliðun. Horfa þarf til þess að styrkja samkeppnisstöðu greinarinnar og tryggja að gæðaeftirlit með innflutningi og innlendri framleiðslu sé hið sama. Miklar kröfur hafa verið settar um aðbúnað búfjár til matvælaframleiðslu á Íslandi síðustu ár með tilheyrandi kostnaði hjá bændum en án þess að fjármagn hafi fylgt.

Landbúnaður er jafnframt byggðarmál og mikilvægt að sveitir landsins verði áfram í byggð enda blómlegar sveitir eitt helsta kennileiti íslenskrar þjóðar. Sveitarstjórn skorar því á stjórnvöld að koma nú að krafti inn í greinina og stuðla að því að
landbúnaður búi við eðlilegt rekstrarumhverfi til að fyrirbyggja fyrirsjáanlegt hrun í greininni með ófyrirséðum afleiðingum fyrir matvælaöryggi þjóðarinnar. Slíkt öryggi þarf að tryggja með aðgerðum en ekki orðum.

Til máls tók Axel Örn Sveinbjörnsson.

Samþykkt samhljóða.
Fyrirkomulag sjúkraflutninga
Í október síðastliðnum kom upp tilfelli á Vopnafirði þar sem ekki var hægt að flytja sjúkling frá Vopnafirði með sjúkraflugi vegna þyngdartakmarkanna. Búnaður til sjúkraflutninga er gefin upp fyrir að hámarki 135 kg Mikilvægt er að endurskoða þessar kröfur hjá ráðuneytinu til þess að allir hafi jafnan kost á sjúkraflugi þegar þörf er á.
Eftirfarandi tillaga liggur fyrir fundinum: Sveitarstjórn Vopnafjarðarhrepps harmar að búnaður notaður til sjúkraflutninga með flugi henti ekki öllum sem gætu þurft að nota hann . Mikilvægt er að kröfur heilbrigðisráðuneytisins til verktaka í sjúkraflugi verði endurskoðaðar og felur sveitarstjóra að senda bréf til heilbrigðisráðuneytisins þar sem krafist er þess að búnaðurinn verði uppfærður.

Samþykkt samhljóða.

2. Fundargerðir til staðfestingar#2-fundargerdir-til-stadfestingar

Hreppsráð 011123
Lagt fram til kynningar.
Fjölskylduráð 071123
Lagt fram til kynningar.
Menningar- og atvinnumálanefnd 081123
Lagt fram til kynningar.
Til máls tóku: Bjartur Aðalbjörnsson og Íris Edda Jónsdóttir
13. stjórnarfundur SSA 280823
Lagt fram til kynningar.
14. stjórnarfundur SSA 201023
Lagt fram til kynningar
936. fundargerð stjórnar Sambands íslenskra sveitarfélaga
Lagt fram til kynningar.

Sveitarstjórn

Fundur nr. 20

16. nóvember 2023

Mætt til fundar

1. Erindi#1-erindi

2. Fundargerðir til staðfestingar#2-fundargerdir-til-stadfestingar