Sveitarstjórn

Fundur haldinn í sveitarstjórn Vopnafjarðarhrepps 17.febrúar 2022 í félagsheimilinu Miklagarði kl 14:00.

1. Fundargerðir#1-fundargerdir

Hreppsráð 3.2
i.Atvinnu- og ferðamálafulltrúi
Bréf frá atvinnu- og ferðamálanefnd lagt fram þar sem lagt er til að ráða atvinnu- og ferðamálafulltrúa hjá sveitarfélaginu. Sveitarstjórn tekur vel í erindið og felur sveitarstjóra að boða fulltrúa úr atvinnu- og ferðamálanefnd, menningarmálanefnd og framfara- og ferðamálafélagi Vopnafjarðar á fund til að vinna málið áfram og vísar erindinu til afgreiðslu á næsta hreppsráðsfundi. Samþykkt samhljóða.
Að öðru leyti er fundargerðin lögð fram til kynningar.
166.fundur Heilbrigðisnefndar Austurlands 2.2
Lagt fram til kynningar.
906.fundur stjórnar Sambands íslenskra sveitarfélaga 4.2
Lagt fram til kynningar.

Samþykktir sveitarstjórnar – heimild til fjarfunda, seinni umræða
Breyting á samþykkt um stjórn Vopnafjarðarhrepps varðandi heimildir til fjarfunda tekin til seinni umræðu. Samþykkt samhljóða.
Samningur um Héraðsskjalasafn Austfirðinga – seinni umræða
Uppfærður samningur um Héraðsskjalasafn Austfirðinga tekin til seinni umræðu. Samþykkt samhljóða.
Stefnumótun fyrir nýtt aðalskipulag – minnisblað
Stefnumótun fyrir nýtt aðalskipulag Vopnafjarðarhrepps sem unnið var af skipulagsráðgjafa eftir íbúafund og vinnufund með skipulags- og umhverfisnefnd og sveitarstjórn. Sveitarstjórn samþykkir stefnumótunina og felur sveitarstjóra að vinna áfram með skipulagsráðgjafa. Samþykkt samhljóða.
Umdæmisráð barnaverndar – minnisblað
Lagt fram til kynningar minnisblað frá Sambandi íslenskra sveitarfélaga um breytingar á lögum um barnavernd þar sem kveðið er á um að á baki hverju umdæmisráði séu a.m.k. 6000 íbúar. Sveitarstjóra falið að hafa samband við félagsþjónustu Múlaþings um málið. Samþykkt samhljóða.
Kynning á starfsemi Bjargs íbúðafélags
Lagt fram til kynningar minnisblað frá Bjargi íbúðarfélagi um samstarf í uppbyggingu húsnæðis á Vopnafirði. Sveitarstjórn tekur vel í erindið og felur sveitarstjóra að skipuleggja kynningu frá Bjargi fyrir sveitarstjórn. Samþykkt samhljóða.

Bréf frá Vélíþróttafélagi Vopnafjarðar 6.2
Lögð fram beiðni frá nýstofnuðu Vélíþróttafélagi Vopnafjarðar varðandi landsvæði fyrir starfsemina. Sveitarstjórn tekur jákvætt í erindið og vísar erindinu til æskulýðs- og íþróttanefndar og skipulags- og umhverfisnefndar til umsagnar. Samþykkt samhljóða.
Bréf frá Kjörnefnd Lánasjóðs sveitarfélaga 11.2
Lagt fram til kynningar.
Bréf frá Hestamannafélaginu Glófaxa 13.2
Lagt fram bréf frá Hestamannafélaginu Glófaxa varðandi reiðvegi í sveitarfélaginu. Sveitarstjórn tekur vel í erindið og vísar til áframhaldandi vinnslu í skipulags- og umhverfisnefnd. Samþykkt samhljóða.
Bréf frá Dodici – First Lego League meistarar 2021
Lögð fram styrkbeiðni frá nemendum í 7.-8.bekk sem skipa liðið Dodici, vinningshafar í First Lego League keppni grunnskólanna. Sveitarstjórn óskar liðinu innilega til hamingju með sigurinn og tekur jákvætt í erindið og felur sveitarstjóra að vinna málið áfram. Samþykkt samhljóða.

Skýrsla sveitarstjóra
Sveitarstjóri fór yfir verkefni sín það sem af er ári, það sem er á döfinni og framkvæmdir sveitarfélagsins. Sveitarstjóri hefur setið hina ýmsu fundi undanfarið. Fundur var með þingmönnum kjördæmisins á kjördæmadegi sem gekk vel. Haldinn var rafrænn íbúafundur um valkostagreiningu Vopnafjarðahrepps og nú heldur sú vinna áfram. Vinna við nýtt aðalskipulag er í fullum gangi og var haldinn vinnufundur með sveitarstjórn og skipulags- og umhverfisnefnd varðandi stefnumótun skipulagsins. Verndarsvæði í byggð fyrir miðbæinn er á lokametrunum og klárast í vor. Framkvæmdir ársins 2022 eru farnar af stað. Búið er að gera upp hjónaíbúð í Sundabúð og íbúð sveitarfélagsins við Þverholt 12. Vinna við hönnun á skólalóð er hafin. Og verið er að setja niður áætlun um þær framkvæmdir sem samþykktar voru í fjárhagsáætlun 2022. Haldið verður áfram að leggja ljósleiðara í þéttbýlinu á vormánuðum. Hafnadeild Vegagerðarinnar er komin með í vinnslu tjónið á hafnargarðinum og mun teymi frá þeim meta tjónið á næstunni og farið verður í viðgerð í framhaldinu af því.

Fleira var ekki tekið fyrir og fundi slitið kl. 15:20.