Skipulags- og umhverfisnefnd

Allt að 6 MW virkjun í Þverá í Vopnafirði – ályktun frá Skipulagsstofnun
Skipulags- og umhverfisráð samþykkir að ráðast í aðalskipulagsbreytingar vegna umsóknar Þverárdals ehf vegna 6 MW virkjunar í Þverá í Vopnafirði. Samþykkt samhljóða.
Hvammsgerði 1 – endurbætur á gluggum
Óskað er eftir leyfi til endurbóta á gluggum. Nýjir gluggar eru með sama útliti og fyrri gluggar en úr öðru efni. Um er að ræða plastglugga með þreföldu gleri. Samþykkt samhljóða.
Sameining jarðanna Leiðarhöfn 1 og Leiðarhöfn 2
Nefndin samþykkir samhljóða sameiningu jarðanna.
Vallholt 6 – bygging sólstofu
Óskað er eftir heimild til byggingar sólstofu við Vallholt 6. Fyrir liggja teikningar af byggingunni og grunnmynd. Nefndin óskar eftir að lögð verði fram afstöðumynd og hún og framkvæmdin í heild sinni lögð fram til samþykkis íbúa í götunni. Einnig er óskað eftir umsögn eldvarnareftirlitsins. Samþykkt samhljóða.
Safnaðarheimili við Hofskirkju
Lögð fram til kynningar uppfærð teikning og afstöðumynd á safnaðarheimili við Hofskirkju.

Fundur nr. 15