Skipu­lags- og umhverf­is­nefnd

Fundur nr. 22

Kjörtímabilið 2018—2022

19. október 2020

Félagsheimilinu Miklagarði kl. 08:00
Sara Elísabet Svansdóttir ritaði fundargerð

Almenn erindi#almenn-erindi

  • Björg­un­ar­sveitin Vopni – umsókn um stöðu­leyfi

    ​Ingólfur Bragi Arason víkur af fundi vegna tengsla við Björg­un­ar­sveitina Vopna. Lögð fram kynning og umsókn um stöðu­leyfi fyrir smáhýsi frá Björg­un­ar­sveit­inni Vopna. Smáhýsið er skráð í fast­eigna­skrá F2362606. Það þarf að sækja um bygg­ing­ar­leyfi fyrir því á nýrri lóð sem þarf vænt­an­lega að stofna. Skipu­lags- og umhverf­is­nefnd óskar eftir rökstuðn­ingi fyrir þessari stað­setn­ingu og lóðar­um­sókn í fram­haldinu. Samþykkt samhljóða.​

  • Skipu­lags­stofnun – Kostn­að­ar­framlag vegna aðal­skipu­lags­breyt­ingar

    ​Bréf frá Skipu­lags­stofnun vegna kostn­að­ar­fram­lags vegna aðal­skipu­lags­breyt­ingar lagt fram þar sem óskað er eftir nánari rökstuðn­ingi á því hvaða ástæðu sveit­ar­fé­lagið telur að það uppfylli í 60% endur­greiðslu í stað 50%. Sveit­ar­stjóra falið að kanna nánar hvaða upplýs­ingum Skipu­lags­stofnun er að sækjast eftir og senda þeim uppfærða umsókn. Samþykkt samhljóða​.

  • Bakka­varnir í Hofsá í Vopna­firði í landi Ásbrands­staða - Fram­kvæmda­leyfi

    ​Skipu­lags- og umhverf­is­nefnd samþykkir að leggja til við sveit­ar­stjórn að hún heimili skipu­lags- og bygg­ing­ar­full­trúa að gefa út fram­kvæmda­leyfi. Samþykkt samhljóða.​

  • Viðhald/endur­bætur á vatns­miðlun í Arnar­vatni í Vopna­firði

    ​Lögð fram grein­ar­gerð á fram­kvæmd á stíflu við Arnar­vatn sem var farið í án leyfis og myndir af fram­kvæmd­inni og umhverfinu. Skipu­lags- og umhverf­is­nefnd harmar þessi vinnu­brögð og felur skipu­lags- og bygg­ing­ar­full­trúa að fá úttekt af áhrifum stífl­unnar frá Umhverf­is­stofnun og/eða Nátt­úru­fræði­stofnun Aust­ur­lands og sveit­ar­stjóra falið að fá fund með full­trúa veiði­fé­lagsins Vesturárdal og klára samning við veiði­fé­lagið þar sem skýrt er hver hámarkshæð á vatni skuli vera, undan­hleyping í vorleys­ingum og sá tími sem vatnið á að vera fullopið. Samþykkt samhljóða. ​

  • Afstöðu­mynd fyrir véla­skemmu á Egils­stöðum í Vopna­firði

    ​Lögð fram afstöðu­mynd fyrir véla­skemmu á Egils­stöðum í Vopna­firði. Umsögn Minja­stofn­unar Íslands liggur ekki fyrir og afgreiðslu því frestað til næsta fundar Skipu­lags- og umhverf­is­nefndar. Samþykkt samhljóða.​

  • Hafn­ar­byggð 2a – sjáv­ar­hlið

    ​Lögð fram betur útfærð gögn um fram­kvæmdina. Skipu­lags- og umhverf­is­nefnd óskar eftir stað­fest­ingu á því að sá hluti húss sem verið er að endur­bæta falli ekki undir aldurs­friðun. Samþykkt samhljóða.​

  • Ytri hlíð – umsókn um stofnun lóðar

    ​Umsókn um stofnun lóðar í Ytri hlíð lögð fram. Skipu­lags- og umhverf­is­nefnd leggur til við sveit­ar­stjórn að erindið verði samþykkt. Samþykkt samhljóða.​

  • Leiga á landi - Þorbrands­staðir

    ​Lögð fram umsókn Karolinu Szulczyk um leigu á lóð í landi Þorbrands­staða fyrir bygg­ingu heils­árs­húss. Skipu­lags- og umhverf­is­nefnd getur ekki samþykkt erindið því ekki er til skipu­lagt frístunda­svæði í aðal­skipu­lagi sveit­ar­fé­lagsins. Samþykkt samhljóða.​

Fleira var ekki tekið fyrir, fundargerð lesin og borin upp til samþykktar, hún samhljóða samþykkt og fundi slitið kl. 09:28.