Menningarmálanefnd

1. Almenn mál#1-almenn-mal

Útkoma Vopnaskaks 2021
Rætt var um útkomu Vopnaskaks 2021 og farið yfir fjármál. Fyrir lágu gögn um stöðu frá Vopnafjarðarhreppi og eru nefndarmenn nokkuð sáttir við útkomuna. Góð sala var á viðburði, fínir styrkir og góðir samningar við listafólk.
Ráðning umsjónarmanns Vopnaskaks 2022 og tímasetning
Ákveðið var að bíða með að auglýsa eftir umsjónarmanni þar til eftir helgi þegar frekari fregna var að vænta frá sveitafélaginu um starfsmenn þess. Tímasetning Vopnaskaks hefur undanfarin ár verið fyrsta helgi í júlí. Ákveðið var að setja inn könnun á facebook til að fá hugmynd frá bæjarbúum um hvenær þeir vilja helst hafa hátíðina, Fanney sér um að setja það inn, og gera auglýsingu um starf umsjónarmanns ef til þess kemur.
Önnur mál
Miðað við stöðu í ár er ekki úr vegi að fara að horfa eftir atriðum sem gætu sómað sér vel á hátíðinni. Spjallað um hvernig við viljum hafa hátíðina, það góða sem við getum tekið með okkur frá síðustu árum. Viljum hvetja til Hofsballs í ár ef möguleiki er fyrir hendi.