Hreppsráð

Fundur nr. 33

Kjörtímabilið 2018—2022

Félagsheimilinu Miklagarði kl. 08:00
Sara Elísabet Svansdóttir ritaði fundargerð

Fundur haldinn í hreppsráði Vopnafjarðarhrepps 14.október 2021 í félagsheimilinu Miklagarði kl. 08:00.

Veiðifélagið Vesturdalsá – miðlun Arnarvatns
Hreppsráð og sveitarstjóri fóru í vettvangsferð að Arnarvatni 25.ágúst síðastliðinn. Hreppsráð felur sveitarstjóra að boða stjórn veiðifélags Vesturdalsár á fund til að ræða umhverfi Arnarvatns. Samþykkt samhljóða.
Húsnæðissjálfseignarstofnun á landsbyggðinni
Lagt fram minnisblað HMS, ásamt skýrslu HMS og viljayfirlýsingu um samstarf um uppbyggingu íbúðarhúsnæðis á landsbyggðinni þar sem óskað er eftir því að sveitarstjórnir á landsbyggðinni taki fyrir lok október afstöðu til hugmyndar um að setja á fót húsnæðissjálfseignarstofnun á þeim grundvelli sem lýst er í minnisblaðinu. Hreppsráð tekur jákvætt í hugmyndina um að setja á fót húsnæðissjálfseignarstofnun og vísar erindinu til afgreiðslu á næsta sveitarstjórnarfundi. Samþykkt samhljóða.
Beislun vindorku á NA-landi – trúnaðarmál
Lagt fram til kynningar.
Greining á rekstri sveitarfélagsins – niðurstaða Ráðríkar sept 2021
Lögð fram til kynningar greining Ráðríkar á rekstri sveitarfélagsins. Hreppsráð felur sveitarstjóra að boða sveitarstjórn á vinnufund 25.október næstkomandi þar sem farið verður yfir greininguna. Samþykkt samhljóða.

Innleiðing Heimsmarkmiða Sameinuðu þjóðanna í íslenskum sveitarfélögum, stuðningsverkefni frá hausti 2021 til vors 2022
Máli vísað til afgeiðslu hreppsráðs frá sveitarstjórnarfundi 24.september. Hreppsráð telur sveitarfélaginu ekki kleift að taka þátt í þessu núna og felur sveitarstjóra að senda skriflegt svar þess efnis. Samþykkt samhljóða.
Bréf frá Samgöngu- og sveitarstjórnarráðuneytinu – drög að reglugerð um breytingu á reglugerð nr. 1088/2018 um Jöfnunarsjóð sveitarfélaga.
Lagt fram til kynningar.

Fleira var ekki tekið fyrir og fundi slitið kl. 09:51.