Fundur nr. 27
Kjörtímabilið 2022—2026
Mætt til fundar
Fundur haldinn í hreppsráði Vopnafjarðarhrepps, fimmtudaginn 2. maí 2024 á skrifstofu Vopnafjarðarhrepps kl. 08:00.
1. Erindi#1-erindi
- Heimildarbeiðni
Framlengja þarf yfirdráttarheimild sveitarfélagsins hjá Landsbankanum að upphæð 50 m.kr.
Eftirfarandi tillaga liggur fyrir fundinum: Hreppsráð samþykkir að framlengja yfirdráttarheimildina.
Tillagan er borin upp til samþykktar. Samþykkt samhljóða.
- Samningur við Minjasafnið á Bustarfelli
Fyrir liggur beiðni frá Minjasafninu á Bustarfelli um viðbótar fjárveitingu, eins og síðastliðin tvö ár, að upphæð 1 m.kr. Jafnframt er óskað eftir viðræðum um framtíðarskipulag á rekstri safnsins.
Eftirfarandi tillaga liggur fyrir fundinum: Hreppsráð samþykkir viðbótar fjárveitingu og vísar viðræðum um framtíðarskipulag reksturs til umsagnar í menningar- og atvinnumálanefnd. Hreppsráð felur einnig formanni hreppsráðs að boða safnstjóra á fund með hreppsráði.
Tillagan er borin upp til samþykktar. Samþykkt samhljóða.
- Reglur um netaveiði í sjó - drög
Fyrir liggja drög að reglum um netaveiði í sjó fyrir landi Vopnafjarðarhrepps, ásamt minnisblaði frá lögfræðistofunni Magna Lögmenn. Einnig liggur fyrir hvatning frá Fiskistofu og Hafrannsóknarstofnun um tímabundið bann við netaveiðum vegna slæms ástands á bleikjustofni.
Eftirfarandi tillaga liggur fyrir fundinum: Hreppsráð samþykkir að málið verði unnið áfram og vísar ákvörðun til sveitarstjórnar.
Tillagan er borin upp til samþykktar. Samþykkt samhljóða.
- Framkvæmdaráætlun hestamannafélagsins Glófaxa
Fyrir liggur framkvæmdaáætlun frá hestamannafélaginu Glófaxa vegna fyrri samskipta.
Eftirfarandi tillaga liggur fyrir fundinum: Hreppsráð samþykkir að vísa framkvæmdaáætlun til fjárhagsáætlunarvinnu.
Tillagan er borin upp til samþykktar. Samþykkt samhljóða
- Leyfi fyrir kajak ferðum á Nýpslónum
Fyrir liggur beiðni frá Snætindur ehf. vegna Saga Kayak um leyfi fyrir kajak ferðum á Nýpslónum til þess að auka fjölbreytni kajak ferða sem boðið verður upp á.
Eftirfarandi tillaga liggur fyrir fundinum: Hreppsráð fagnar framtakinu og aukinni fjölbreytni í afþreyingu í Vopnafjarðarhreppi og samþykkir erindið.
Tillagan er borin upp til samþykktar. Samþykkt samhljóða.
- Fiskbúð á Vopnafirði
Fyrir liggur erindi frá Rögnvaldi Þorgrímssyni um aðstöðu og staðsetningu fyrir sjálfsafgreiðslu fiskisölu í miðbænum.
Eftirfarandi tillaga liggur fyrir fundinum: Hreppsráð vísar erindinu til umsagnar og afgreiðslu í umhverfis- og framkvæmdaráði.
Tillagan er borin upp til samþykktar. Samþykkt samhljóða.
- Yfirmaður eignasjóðs og þjónustumiðstöðvar
Framlengdur umsóknarfrestur um stöðu yfirmanns eignasjóðs og þjónustumiðstöðvar er liðinn og bárust fjórar umsóknir.
Eftirfarandi tillaga liggur fyrir fundinum: Hreppsráð samþykkir að fela verkefnastjóra úrvinnslu umsókna og leita leiðsagnar Attentus mannauður og ráðgjöf ef þörf er á og vísar ráðningu til sveitarstjórnar.
Tillagan er borin upp til samþykktar. Samþykkt samhljóða.
- Staða framkvæmda
Minnisblað vegna stöðu framkvæmda og fjárfestinga hjá Vopnafjarðarhreppi lagt fram til kynningar. Sara Kolodziejczyk frá Eflu kom inn á fund og fór yfir stöðu gatnagerðar.
Fleira var ekki tekið fyrir og fundi slitið kl. 09:31.