Fundur nr. 20
Kjörtímabilið 2022—2026
Mætt til fundar
Fundur haldinn í hreppsráði Vopnafjarðarhrepps þann 8.desember 2023 á skrifstofu Vopnafjarðarhrepps kl. 08:00.
Almenn mál#almenn-mal
- Vopnafjarðahreppur – drög að fjárfestingaráætlun 2024-2027
Fjármálastjóri og sveitarstjóri fóru yfir og kynntu drög að fjárfestingaráætlun Vopnafjarðarhrepps 2024-2027.
Eftirfarandi tillaga lögð fram: Hreppsráð Vopnafjarðarhrepps samþykkir að vísa drögum að fjárfestingaráætlun Vopnafjarðarhrepps fyrir árin 2024-2027 til samþykktar í sveitarstjórn.
Samþykkt samhljóða.
- Staða starfsmanns RARIK á Vopnafirði
Fyrir liggur tölvupóstur varðandi stöðu starfsmanns RARIK á Vopnafirði.
Eftirfarandi tillaga liggur fyrir fundinum: Hreppsráð mótmælir því að opinbert starf starfsmanns RARIK á Vopnafirði hafi ekki verið auglýst og stöðugildið fært yfir í Langanesbyggð og þar með lagt niður á Vopnafirði. Mjög mikilvægt er að fækka ekki opinberum störfum á landsbyggðinni sérstaklega þar sem mikilvægir innviðir eru til staðar. Hreppsráð skorar á RARIK að endurskoða ákvörðun sína.
Samþykkt samhljóða.
- Starfsmannamál, staða forstöðumanns áhaldahúss
Lagt fram til kynningar uppsagnarbréf forstöðumanns áhaldahúss.
Eftirfarandi tillaga liggur fyrir fundinum: Hreppsráð þakkar Gunnþóri K. Guðfinnssyni fyrir vel unnin störf og óskar honum velfarnaðar í störfum hans á nýjum vettvangi.
- Þátttaka í samstarfsverkefni um vinnuumhverfi starfsfólks í leik- og grunnskólum
Lögð fram beiðni frá Kennarasambandi Íslands um þátttöku sveitarfélagsins í samstarfsverkefni um vinnuumhverfi starfsfólks í leik- og grunnskólum.
Eftirfarandi tillaga liggur fyrir fundinum: Hreppsráð samþykkir að leikskólinn Brekkubær óski eftir þátttöku í verkefninu.
Samþykkt samhljóða. - Vatnaskil, samtal um framtíðartækifæri í sveitum Austurlands, til kynningar
Lögð fram til kynningar samantekt á viðburðinum, Vatnaskil, samtal um framtíðartækifæri í sveitum Austurlands.
- Stjórnendamælaborð Vopnafjarðarhrepps, til kynningar
Stjórnendamælaborð Vopnafjarðarhrepps lagt fram til kynningar.
2. Fundargerðir til staðfestingar#2-fundargerdir-til-stadfestingar
- Umhverfis- og framkvæmdaráð 15.11
Lagt fram til kynningar.
- 937.fundur stjórnar Sambands íslenskra sveitarfélaga
Lagt fram til kynningar.
- 938.fundur stjórnar Sambands íslenskra sveitarfélaga
Lagt fram til kynningar.
- 15.fundur stjórnar SSA
Lagt fram til kynningar.
- 144.fundur stjórnar Austurbrúar
Lagt fram til kynningar.
Fleira var ekki tekið fyrir og fundi slitið kl. 9:30.