Fundur nr. 20
Kjörtímabilið 2018—2022
Mætt til fundar
- ÍG
Íris Grímsdóttir
Nefndarmaður - BHS
Björn Heiðar Sigurbjörnsson
Nefndarmaður - SB
Sigríður Bragadóttir
Nefndarmaður - SES
Sara Elísabet Svansdóttir
Sveitarstjóri
1. Fundargerðir#1-fundargerdir
- Landbúnaðarnefnd 20.8.
i. Önnur mál: Sorphirða er viðkemur bændum er í vinnslu hjá sveitarstjóra. Að öðru leyti er fundargerðin lögð fram til kynningar. Samþykkt samhljóða.
2. Almenn mál#2-almenn-mal
- Þróunarverkefni um vindorku – kynning frá Eflu
Hafsteinn Helgason frá Eflu og Sigurgeir Tryggvason frá Summu kynntu þróunarverkefnið um vindorku sem er á vinnslustigi og svaraði spurningum hreppsráðs.
- Viðskipti mötuneyta Vopnafjarðarhrepps
Lagt fram til kynningar minnisblað um viðskipti Vopnafjarðarhrepps við Kauptún. Hreppsráð felur deildum sveitarfélagsins að versla eftir fremsta megni í heimabyggð. Sveitarstjóra falið að vinna málið áfram. Samþykkt samhljóða.
- Húsnæðisáætlun Vopnafjarðarhrepps – minnisblað
Minnisblað um húsnæðisáætlun Vopnafjarðarhrepps lagt fram. Hreppsráð samþykkir minnisblaðið og felur sveitarstjóra að skila inn minnisblaðinu til Húsnæðis- og mannvirkjastofnunar og í kjölfarið setja uppfærslu á húsnæðisáætluninni í ferli. Samþykkt samhljóða.
- Reglur um skólaakstur í Vopnafjarðarhreppi - drög
Drög að reglum um skólaakstur í Vopnafjarðarhreppi lögð fram. Hreppsráð vísar drögunum til Fræðslunefndar til umsagnar. Samþykkt samhljóða.
- Samningur um akstur skólabarna - drög
Drög að samningum um akstur skólabarna lögð fram. Hreppsráð vísar drögunum til Fræðslunefndar til umsagnar. Samþykkt samhljóða.
- Auglýsing vegna leiguíbúða á Skálanesgötu
Auglýsing vegna leiguíbúða á Skálanesgötu 8b-8g lögð fram. Hreppsráð samþykkir auglýsinguna og felur sveitarstjóra að setja auglýsinguna í loftið. Samþykkt samhljóða.
- Rekstur á flugvelli Isavia
Lagt fram til kynningar minnisblað um rekstur flugvallarins á Vopnafirði og lendingartölur frá Isavia. Hreppsráð sér ekki hag sinn í því að sveitarfélagið taki yfir rekstur flugvallarins af Isavia miðað við framangreindar forsendur og áréttar að þetta sé ekki hlutverk sveitarfélagsins og hvetur ríkið til að standa vörð um opinber störf á landsbyggðinni. Samþykkt samhljóða.
- Stöðugildi í útibúi Landsbankans á Vopnafirði
Ekki hefur ráðið í starf útibússtjóra Landsbankans á Vopnafirði sem lét af störfum í vor vegna aldurs. Hreppsráð hefur áhyggjur af því að ekki hefur verið ráðið í starfið og felur sveitarstjóra að fá fund með yfirmanni útibúsins á Vopnafirði. Samþykkt samhljóða.
- Símasamband í Selárlaug
Það er ekkert gsm samband í Selárdal og þar með Selárlaug. Í ljósleiðaranum sem er núna kominn við sundlaugina er gert fyrir ráð fyrir endurvarpa sem myndi tryggja gsm samband. Hreppsráð hvetur fjarskiptafyrirtækið til að setja endurvarpa svo tryggt sé gsm samband í Selárdalnum vegna öryggissjónarmiða. Sveitarstjóra falið að vinna málið áfram. Samþykkt samhljóða.
Fleira var ekki tekið fyrir, fundargerð lesin og borin upp til samþykktar, hún samhljóða samþykkt og fundi slitið kl. 11:23.