Hreppsráð

1. Erindi#1-erindi

Lenging á löndunarbryggju – minnisblað og uppfærð kostnaðaráætlun frá Vegagerðinni
Fyrir liggur minnisblað og uppfærð kostnaðaráætlun frá Vegagerðinni vegna lengingar á löndunarbryggju. Kostnaður vegna lengingarinnar er áætlaður 778 mkr (m/vsk) og er hlutur Vopnafjarðarhrepps 311 mkr (m/vsk.) sem dreifist á þrjú ár, 2023-2025.

Árlegur heimahluti (m.vsk) framkvæmda er áætlaður 311 mkr sem dreifist:
•2023: 160 mkr (129 mkr án vsk.)
•2024: 63 mkr (51 mkr án vsk)
•2025: 88 mkr (71 mkr án vsk)

Hreppsráð samþykkir að auka fjárfestingu á höfninni úr 100 mkr í 129 mkr árið 2023 og vísar erindinu til kynningar í umhverfis- og framvkæmdaráði og til afgreiðslu í sveitarstjórn.

Að öðru leyti er erindinu vísað til fjárhagsáætlunargerðar 2024.

Samþykkt samhljóða.
Erindi frá umhverfis- og framkvæmdaráði – umsókn um styrk vegna gangnakofans Geldings
Lagt fram uppfært erindi frá fundi umhverfis- og framkvæmdaráðs þann 12.desember 2022, þar sem styrkumsókn vegna gangnakofans Geldings er vísað til afgreiðslu í hreppsráði.

Fyrir fundinum liggja uppfærð gögn vegna erindisins, framkvæmdaáætlun og myndir af gangnakofanum í dag.

Hreppsráð samþykkir að styrkja framkvæmdina og felur sveitarstjóra að ganga frá samningi.

Samþykkt samhljóða.
Staðan á stjórnendamælaborðinu – til kynningar
Staðan á stjórnendamælaborðinu lögð fram til kynningar.