Hreppsráð

1. Almenn mál#1-almenn-mal

Kaupvangur – umsókn um rekstur á fyrstu hæð
Auglýsingatími vegna reksturs á fyrstu hæð Kaupvangs rann út 15.maí síðastliðinn. Ein umsókn barst í reksturinn frá Helgu Kristínu Tryggvadóttur og Selju Janthong. Hreppsráð samþykkir umsóknina og sveitarstjóra falið að klára samning við umsóknaraðila. Samþykkt samhljóða.
RARIK – beiðni um strenglögn í Austur-Skálanesi
Fyrir liggur beiðni frá Rarik um lögn á streng í Austur Skálanesi, landi Vopnafjarðarhrepps samkvæmt teikningum sem sýna fyrirhugaða legu strengsins. Hreppsráð samþykkir erindið og bendir umsóknaraðilum á að sækja þarf tímanlega um framkvæmdaleyfi fyrir framkvæmdinni. Samþykkt samhljóða.
Tillaga um styrk til framboða í Vopnafjarðarhreppi vegna sveitarstjórnarkosninga 14.maí 2022
Sveitarstjóri lagði fram tillögu að styrk til framboða í Vopnafjarðarhreppi vegna sveitarstjórnarkosninga 14.maí 2022. Tillagan gerir ráð fyrir 500 þús kr sem skiptist jafnt á milli framboða. Samþykkt samhljóða.
Skólamötuneyti Vopnafjarðarhrepps – útboðsgögn
Lögð fram drög að útboðslýsingu á þjónustu við mötuneyti Vopnafjarðarskóla og Brekkubæjar í Vopnafirði. Hreppsráð felur sveitarstjóra að vinna málið áfram. Samþykkt samhljóða.