Fjöl­skylduráð

​Eftirfarandi tillaga liggur fyrir fundinum: Fjölskylduráð vísar eftirfarandi erindi til sveitarstjórnar Vopnafjarðarhrepps og Vegagerðarinnar. 

Fjölskylduráð Vopnafjarðarhrepps hefur rætt um á fundum sínum mikilvægi öryggis í umferðinni í sveitarfélaginu. Það er okkur afar mikilvægt að skólabörn komist örugg leiðar sinnar og að unnið sé gegn hraðakstri til að eitthvað sé nefnt. Þetta er sérstaklega mikilvægt til þess að fyrirbyggja óhöpp í umferðinni. Fjölskylduráð hefur m.a. kallað áður eftir fjölgun gangbrauta í sveitarfélaginu. 

Eftir samtöl við Vegagerðina kom í ljós að framkvæmdir á Hafnarbyggð og Kolbeinsgötu þurfa samþykki Vegagerðarinnar. Fjölskylduráð kallar eftir því að sveitarstjórn beiti sér fyrir því að auka umferðaröryggi í sveitarfélaginu. Fjölskylduráð vill koma eftirfarandi tillögum á framfæri við sveitarstjórn og Vegagerðina sem stuðla að auknu umferðaröryggi.

Afar aðkallandi er að leggja hraðahindranir á Hafnarbyggð að utanverðri og alla leið inn að Skuldarhalla. Á þessu svæði eru engar hraðahindranir og er hraðakstur mikill á þessum kafla.

Meðfylgjandi er úttekt sem lögreglumennirnir Arnar Ingólfsson og Hjörtur Davíðsson gerðu fyrir fjölskylduráð þar sem tillögur eru að úrbótum. 

___________________________________________________________________________

Vopnafjörður 5. október 2023

Úttekt á umferðartengdum málum í Vopnafirði
Að ósk formanns Fjölskylduráðs gerðum við úttekt á stöðu gangbrauta í þorpinu. Meðfylgjandi eru okkar tillögur að úrbótum, sumar meira aðkallandi en aðrar. Einnig fylgja ábendingar um annað sem okkur finnst að betur mætti fara.

Gangbrautir
1. Færa þrengingu/gangbraut sem er við gatnamót Lónabrautar og Skólastígs fjær gatnamótunum að íþróttahúsi þar sem gangbraut var áður.
2. Gangbraut á Skólastíg við gatnamót að Fagrahjalla.
3. Gangbraut á Fagrahjalla við Hafnarbyggð
4. Gangbrautir á gatnamót Lónabrautar, Miðbrautar og Hamrahlíðar á Hamrahlíð og Lónabraut (eða Miðbraut).
5. Vantar eitt skilti við gangbraut á Hamrahlíð við Holtsgötu.
6. Gangbrautir á gatnamót Kolbeinsgötu og Laxdalstúns, bæði á Laxdalstún og Kolbeinsgötu.
7. Gangbrautir við gatnamót Skálanesgötu og Kolbeinsgötu, bæði á Skálanesgötu og Kolbeinsgötu.
8. Gangbraut á Skálanesgötu við hús nr. 4 og 6.
9. Gangbraut á Sigtún við Búðaröxl.
10. Gangbraut á Steinholt við Búðaröxl.
11. Gangbraut á Vallholt við Steinholt.
12. Gangbraut á Vallholt við hús nr. 9 og 17 (við göngustíg)

Biðskyldur

13. Biðskylda á Hamrahlíð á gatnamótum Hamrahlíðar, Miðbrautar og Lónabrautar.
14. Biðskyldumerki vantar enn á Skálanesgötu við Kolbeinsgötu.

Annað

15. Merkingar á bifreiðastæðum við Lyfsölu og hárgreiðslustofu. Merkja ætti stæði skáhallt á aksturstefnu til að fjölga stæðum
16. Banna bifreiðastöður annars vegar eða beggja á Kolbeinsgötu frá bifreiðastæði við Landsbanka og að Drang. Einnig má velta fyrir sér með Lónabraut og Fagrahjalla

Arnar Ingólfsson
Hjörtur Davíðsson
_____________________________________________________________________

Fjölskylduráð vísar tillögunum til sveitastjónar í tveimur liðum og óskar eftir því að liðirnir verði afgreiddir í sitthvoru lagi á fundi sveitarstjórnar:

a) Fjölskylduráð óskar eftir því að sveitastjórn bregðist við erindi ráðsins um bætt umferðaröryggi á þeim götum sem eru í umsjón sveitarfélagsins og að tillögur ráðsins verði hafðar til grundvallar bættu umferðaröryggi.

b) Fjölskylduráð óskar eftir því að sveitastórn beiti sér fyrir því við Vegagerðina að umferðaröryggi á Hafnarbyggð og Kolbeinsgötu verði bætt í samræmi við þá tillögur sem Fjölskyldráð hefur lagt fram um gangbrautir og hraðahindranir. Óskað er eftir því að sveitarstjórn Vopnafjarðarhrepps sendi bréf á Vegagerðina og að formaður Fjölskylduráðs verði með í ráðum við ritun bréfsins.

Samþykkt samhljóða.